Снапкоў і Харкавец ляцяць у Вашынгтон
17- 10.10.2013, 15:49
- 8,585
У Вашынгтоне 11-13 кастрычніка пройдзе пасяджэнне саветаў кіраўнікоў МВФ і Сусветнага банка.
У ім прымуць удзел міністры эканомікі і фінансаў Беларусі Мікалай Снапкоў і Андрэй Харкавец, а таксама намеснік кіраўніка праўлення Нацыянальнага банка Сяргей Калечыц, паведамілі ў прэс-службе Мінэканомікі.
На пасяджэнні будуць абмяркоўвацца асноўныя вынікі дзейнасці Міжнароднага валютнага фонду і Сусветнага банка, стратэгія працы гэтых міжнародных арганізацый, а таксама шэраг адміністрацыйных пытанняў, якія тычацца функцыянавання МВФ і СБ.
У рамках пасяджэння будуць праведзены сустрэчы і кансультацыі з кіраўніцтвам дадзеных міжнародных арганізацый па шырокаму колу пытанняў. У прыватнасці, будзе абмяркоўвацца ход рэалізацыі стратэгіі партнёрства Сусветнага банка з Беларуссю і стратэгіі Еўрапейскага банка рэканструкцыі і развіцця для Беларусі.