Google памылкова датэрмінова рассакрэціў новы смартфон

Кампанія Google памылкова датэрмінова дадала ў інтэрнэт-краму Google Play блок з апісаннем свайго новага смартфона Nexus 5.

Апарат яшчэ не паступіў у продаж, і дакладная дата яго выхаду невядомая.

Nexus 5 з'явіўся ў Google Play раніцай 18 кастрычніка. Апісанне апарата суправаджалася яго выявай. Мяркуючы з малюнка, смартфон выпускаецца кампаніяй LG і мае заднюю панэль з матавага пластыка, піша Lenta.ru.

Побач з апаратам была паказаная цана: 349 даляраў за 16-гігабайтную мадэль. Гэта адпавядае цане на смартфон Nexus 4, папярэднік новай прылады. 8-гігабайтны Nexus 4 каштуе 299, а 16-гігабайтны - 349 даляраў.

Калі пра датэрміновае з'яўленне Nexus 5 у Google Play паведамілі СМІ, Google прыбрала з крамы старонку са згадваннем пра прыладу. Цяпер з гэтага адрасу адкрываецца старонка з паведамленнем пра памылку 404.

Характарыстыкі Nexus 5 з’явіліся ў Сетцы яшчэ напачатку кастрычніка. Мяркуецца, што смартфон атрымае 4,95-дзюймовы экран і чатырох'ядравы працэсар Snapdragon 800 і будзе падтрымліваць сеткі LTE.

Nexus 5, як чакаецца, будзе працаваць на базе Android 4.4. Аперацыйную сістэму, якая носіць кодавую назву KitKat, прадставяць адначасова са смартфонам. Гэта, скарэй за ўсё, адбудзецца напрыканцы кастрычніка.