Джэф Плат: У «Дынама» я ўжо паказаў усё, на што здольны

Экс-гулец менскага «Дынама» Джэф Плат, які падпісаў кантракт з яраслаўскім «Лакаматывам», прызнаўся, што летам усё роўна сышоў бы з клуба.

Пра гэта ён заявіў «Прессболу».

- Калі чакаецца дэбют у складзе «Лакаматыва»?

- Думаю, што 3 студзеня ў Хабараўску.

- Як увогуле здарыўся гэты пераход?

- Усё пачалося з таго, што кіраўніцтва «Дынама» пацікавілася, ці можа клуб разлічваць на мяне ў наступным сезоне. Але я вельмі выразна даў зразумець, што хацеў бы зрабіць наступны крок у кар'еры. У выніку абодва бакі сышліся на тым, што мне лепш знайсці іншую каманду. Гэта было лагічнае рашэнне, таму што ўсё роўна летам я сышоў бы.

- Галоўная матывацыя твайго ад'езду?

- Думаю, гэта лагічны крок у маёй кар'еры. У «Дынама» я ўжо паказаў усё, на што здольны. Хацелася новага выкліку. Калі доўгі час выступаеш на адным месцы, пачынаецца стагнацыя. І яшчэ... Можа, гэта я такі, а можа, наогул уласцівасць чалавечай натуры, але часам пажадана змяніць абстаноўку. У Беларусі правёў шмат гадоў. Проста адчуў, што хачу паспрабаваць нешта новае, калі ўжо зусім адкрыта.