29 сакавiка 2024, Пятніца, 18:24
Падтрымайце
сайт
Сім сім,
Хартыя 97!
Рубрыкі

Снапкоў прарочыць дэвальвацыю і рост знешняй пазыкі

62
Снапкоў прарочыць дэвальвацыю і рост знешняй пазыкі

(абноўлена) Мінэканомікі прагназуе рост знешняй дзяржпазыкі да $17 млрд. і валавой знешняй пазыкі да $41,6 млрд.

Такія лічбы былі агучаныя ў дакладзе міністра эканомікі РБ Мікалая Снапкова на пасяджэнні Саўміна 13 лютага, піша АФН.

«Разлікі паказваюць, што ва ўмовах «класічнага» выкарыстання дзяржаўнай падтрымкі дзеянні прадпрыемстваў накіроўваюцца не на развіццё, а на асваенне сродкаў. Ужо сёння на правядзенне мадэрнізацыі дадаткова заяўлена 3,5 млрд. даляраў ЗША інвестыцый...», - гаворыцца ў тэксце даклада.

«У выніку знешняя дзяржаўная пазыка можа перавысіць 17 млрд. даляраў ЗША (з 12 млрд). Такім чынам, суадносіны знешняй дзяржаўнай пазыкі да ВУП складзе 22,7% і наблізіцца да парогавага значэння бяспекі ў 25%», - адзначаецца ў дакуменце.

«Адпаведна, узрастае і паказчык валавой знешняй пазыкі. У сувязі з гэтым, нават у выпадку спрыяльнай дынамікі эканамічнага развіцця ў краінах-асноўных гандлёвых партнёрах, валавая знешняя пазыка па выніках 2013 года можа скласці парадку 41,6 млрд. даляраў ЗША (з 34,8 млрд. на 1 студзеня 2013 года) і перавысіць парогавае значэнне бяспекі (55,3% ВУП пры парогавым значэнні 55%)», - папярэджвае Мінэканомікі РБ.

Ведамства таксама прадказвае, што ў 2013 годзе мадэрнізацыя стане прычынай інвестыцыйнага імпарту на суму не меней 1,6 млрд. даляраў.

«Узніклы разрыў фінансавання плацежнага балансу можа быць кампенсаваны альбо за кошт зніжэння золатавалютных рэзерваў, альбо за кошт дэвальвацыі нацыянальнай валюты», - папярэджвае Мінэканомікі.

«Фінансаванне за кошт дэвальвацыі нацыянальнай валюты, як нам вядома (рэдакцыя - па 2011 годзе), вядзе да паскарэння інфляцыі, спекулятыўнага попыту на валюту, росту адсоткавых ставак росту долі праблемных актываў», - канстатаваў міністр у сваім дакладзе.

Паводле яго слоў, адзіны выхад з тупіковай сітуацыі - замежныя і ўнутраныя прыватныя інвестыцыі.

Напісаць каментар 62

Таксама сачыце за акаўнтамі Charter97.org у сацыяльных сетках