Беларусь спрабуе выбіць з Украіны запазычанасць «Аэрасвіта»
6- 21.03.2013, 18:07
Беларускія авіяцыйныя ўлады спрабуюць выбіць з Украіны запазычанасці збанкрутаванай авіякампаніі «Аэрасвіт».
Украінская авіякампанія «Аэрасвіт», што абвясціла сябе банкрутам, мае абавязак у выплаце збораў за аэранавігацыйнае абслугоўванне і пратэрмінаваную запазычанасць перад Белавія, паведаміў сёння прадстаўнік Мінтранса РБ Павел Бажанаў. Ён не ўдакладніў суму завінавачанасці, піша АФН.
Разам з тым ён агучыў пазіцыю беларускіх улад: запазычанасць «Аэрасвіта» за аэранавігацыйнае абслугоўванне ў паветранай прасторы Беларусі павінна быць пераведзеная на дзяржпрадпрыемства Украэрорух.
«Украэрорух і Белаэранавігацыя павінны наладзіць шчыльнае супрацоўніцтва для ўрэгулявання пытанняў запазычанасці за аэранавігацыйнае абслугоўванне ў паветранай прасторы Беларусі і Украіны», - сказаў прадстаўнік Мінтранса РБ.
З ягоных слоў, пазіцыя беларускай стараны ўжо даведзеная да ўкраінскіх партнёраў у рамках праведзенага ў Менску пасяджэння беларуска-ўкраінскай рабочай групы ў пытаннях транспарту.
Варта адзначыць, што на сённяшні дзень стасункі Беларусі і Украіны ўскладненыя патрабаваннямі Менска сплаціць запазычанасць у 120 млн даляраў (90-160 млн даляраў паводле розных ацэнак), якая сфармавалася яшчэ ў першай палове 90-х гадоў паміж дзяржпрадпрыемствамі дзвюх краін.