Лукашэнка жыў у Абу-Дабі ў нумары за $10 000 у суткі?

Канікулы беларускага дыктатара дорага абышліся бюджэту.

22 сакавіка Лукашэнка з Сінгапура, куды ён прыбыў з дэлегацыяй у 80 чалавек, накіраваўся з візітам у ААЭ.

Дзе світа беларускага кіраўніка жыла ў Абу-Дабі на гэты раз і колькі чалавек яна ўключала - прэс-службай Лукашэнкі не ўдакладняецца.

Вядома, што ў 2007 годзе, у свой папярэдні візіт у ААЭ, у Абу-Дабі Лукашэнка са світай спыняўся ў адным з самых раскошных гатэляў свету - Emirates Palace, піша «Салiдарнасць».

Гэты комплекс належыць ураду горада, а кіраўніцтва ажыццяўляецца сеткай гатэляў Кемпінскі.

Будынак гатэля - казачнай прыгажосці палац з традыцыйнай арабскай архітэктурай. У цэнтры палацавага комплексу ўзвышаецца вялікі купал, выкладзены каляровай мазаікай, ён акружаны купаламі паменш, усяго купалаў - 114, і кожны з іх упрыгожаны залатым шпілем.

У гатэлі акрамя «звычайных» нумароў ёсць 92 нумары катэгорыі Suite. Тамтэйшыя інтэр'еры могуць паспаборнічаць у раскошы з пакоямі каралеўскіх палацаў. Усе нумары аформленыя ў арабскім стылі і абсталяваныя апошнімі тэхнічнымі навінкамі.

Некалькі гадоў таму некалькі беларускіх журналістаў пабывалі на экскурсіі ў Emirates Palace. Менеджэр гатэля правёў групу на шосты паверх - у сьют, дзе пастаяльцам быў былы прэм'ер-міністр Брытаніі Тоні Блэр. Суткі пражывання ў такім нумары на той момант каштавалі больш за 10 тысяч даляраў. У суседнім сьюце, адзначыў «гід», раней спыняўся Уладзімір Пуцін.

Успомніў менеджэр і пра Аляксандра Лукашэнку. Паводле яго слоў, ён спыняўся на паверх вышэй. То бок, на ўзроўні, дзе апартаментамі валодаюць выключна шэйхі. Па іх запрашэнні, адзначыў менеджэр, там і гасцяваў кіраўнік Беларусі. Дарэчы, верхні паверх Emirates Palace недаступны для прагляду «простым смяротным».

На гэты раз, у сакавіку 2013-га, мяркуючы па паведамленнях прэс-службы кіраўніка і фатаграфіях з ААЭ на стужцы ўрадавага агенцтва БелТА, сустрэчы Лукашэнкі праходзілі ў Абу-Дабі.

25 сакавіка на сустрэчы з наследным прынцам эмірата Абу-Дабі - намеснікам вярхоўнага галоўнакамандуючага Узброенымі сіламі ААЭ шэйхам Мухамедам бен Заідам аль-Нахаянам

Мяркуючы па здымку, месца гэтай сустрэчы - таксама Emirates Palace.