У нямецкім цягніку злавілі лжэ-Пуціна

Рускамоўны жыхар Германіі паказаў кантралёрам вадзіцельскае пасведчанне на імя Уладзіміра Пуціна. Дакумент канфіскавалі.

Падчас звычайнай праверкі дакументаў у цягніку, які накіроўваўся з Зальцбурга ў Мюнхен, адзін з пасажыраў прад'явіў кантралёрам латвійскае вадзіцельскае пасведчанне, выдадзенае на імя Уладзіміра Пуціна з фатаграфіяй расейскага прэзідэнта, перадае «Deutsche Welle».

Па словах 27-гадовага рускамоўнага жыхара федэральнай зямлі Ніжняя Саксонія, ён набыў фальшывыя правы на рынку ў Расеі выключна дзеля жарту.

Кантралёры канфіскавалі дакумент. Нягледзячы на гэта, лже-Пуцін змог працягнуць свой шлях.