Прэзідэнт Ізраіля збіраецца з візітам у Менск
13- 16.04.2013, 11:18
Ізраільскія і беларускія дыпламаты працуюць над арганізацыяй афіцыйнага візіту прэзідэнта Ізраіля Шымона Перэса ў Беларусь, які можа адбыцца ў бягучым годзе.
Пра гэта паведаміў на прэс-канферэнцыі ў аўторак Надзвычайны і Паўнамоцны амбасадар Ізраіля ў Беларусі Іосіф Шагал, піша «Інтэрфакс».
«Мы вельмі разлічваем, што прэзідэнт Ізраіля, ураджэнец Беларусі, усё ж такі прыедзе ў Беларусь з афіцыйным візітам у год свайго 90-годдзя. Пакуль гэтае пытанне ліхаманкава вырашаецца», - сказаў Шагал.
«Калі ён прыедзе, то можна будзе казаць, што сустрэча Перэса і Лукашэнкі можа прывесці да падпісання сур'ёзных дакументаў», - працягнуў ён.
У тым ліку амбасадар даў зразумець, што ў ліку гэтых дакументаў можа быць пагадненне аб бязвізавых паездках грамадзян.
Нагадаем, прэзідэнт Ізраіля Шымон Перэс паходзіць з вёскі Вішнева Валожынскага раёна Менскай вобласці.