Гішпанцы будуць адзяваць футбалістаў БАТЭ

Футбольны клуб падпісаў кантракт з вядомым гішпанскім вытворцам экіпіроўкі да 2017 года.

На думку гендырэктара БАТЭ, ён істотна разгрузіць бюджэт рэгулярнага ўдзельніка еўракубкаў ад Беларусі.

«Пагадненне, падпісанае паміж ФК БАТЭ і JOMA 29 траўня 2013 года, пачне дзейнічаць на стадыі плэй-оф еўракубкавага цыкла - 2013/14. Кантракт разлічаны да канца сезона - 2016», - паведамляе афіцыйны сайт клуба.

Гульні стораны распачнуць яшчэ раней - з групавога этапу. Ці гэта будзе Ліга чэмпіёнаў ці Ліга Еўропы.