5 красавiка 2020, Нядзеля, 0:07
Заставайся дома!
Рубрыкі

Уладзімір Лабковіч: Санкцыі нельга скасоўваць, пакуль у краіне ёсць палітвязні

4
Уладзімір Лабковіч: Санкцыі нельга скасоўваць, пакуль у краіне ёсць палітвязні

Нават частковае скасаванне санкцый можа толькі пагоршыць сітуацыю з правамі чалавека ў Беларусі, упэўнены юрыст.

Такім чынам сябра Рады праваабарончага цэнтра «Вясна» Уладзімір Лабковіч пракаментаваў сайту charter97.org зняццё санкцый ЕЗ супраць двух беларускіх фірмаў і былога намесніка галоўнага рэдактара «Савецкай Беларусі».

«Я ўважаю прынятую пастанову за памылковую. Візавы спіс ды іншыя абмежавальныя захады, якія прымаў Еўрапейскі Звяз да беларускага рэжыму ў сувязі з грубымі рэпрэсіямі супраць палітычных апанентаў і фальсіфікацыяй выбараў, нельга скасоўваць, пакуль у краіне ёсць палітвязні», - падкрэсліў праваабаронца.

Юрыст перакананы, што гэты спіс павінен быць нязменным і павінен дэманстраваць прынцыповую пазіцыю Захаду хоць бы ў гэтым пытанні.

«Любая рэвізія спісу неўязных у Еўразвяз паказвае рэжыму Лукашэнкі слабасць Еўропы. Беларускія ўлады могуць шукаць слабыя моманты і спрабаваць нейкім чынам дасягнуць для сябе паляпшэнняў у гэтым кірунку. І гэты досыць сімвалічны крок можа толькі пагоршыць сітуацыю з правамі чалавека ў Беларусі», - упэўнены Уладзімір Лабковіч.

Нагадаем, сёння стала вядома пра скасаванне еўрапейскіх санкцый супраць двух беларускіх фірмаў - «Аквадзіў» і «Спорт-пары» - і былога намесніка галоўнага рэдактара «Савецкай Беларусі» Ганны Шадрына. Пра гэта гаворыцца ў пастанове Рады ЕЗ ад 29 траўня 2013 года.

Адным з уласнікаў СТАА «Малінаўшчызненскі спіртагарэлачны завод «Аквадыў» праз даччыныя структуры Уладзімір Пефціеў з'яўляецца «партманэтам» Лукашэнкі. Кампанія патрапіла пад дзеянне абмежавальных захадаў ЕЗ 23 сакавіка мінулага года.

Сузаснавальнікам ЗАТ «Спорт-пары» з'яўляецца спартыўны клуб Лукашэнкі, які ўзначальвае ягоны сын Дзмітрый. Санкцыі супраць яе былі ўведзеныя 20 чэрвеня 2011 года.