Варшаўскі аэрапорт эвакуяваны з-за падазронай сумкі

Паліцыя эвакуявала пасажыраў аэрапорта імя Фрэдэрыка Шапэна польскай сталіцы.

Пра гэта паведамілі пасажыры аднаго з самалётаў у сацыяльнай сетцы «Фэйсбук».

Прычынай гэтага стаў заплечнік, пакінуты каля гадзіны таму на тратуары каля залы прыбыцця. Паліцыя прыняла рашэнне часова абмежаваць рух каля залы прыбыцця аэрапорта. Частку пасажыраў не выпускаюць з зоны атрымання багажу.

Прэс-служба варшаўскага аэрапорта паведамляе, што паліцэйская аперацыя павінна хутка скончыцца.