Microsoft Office выйшаў на iPhone
4- 14.06.2013, 16:11
- 17,506
Карпарацыя Microsoft выпусціла для смартфонаў iPhone і плэераў iPod touch офісны рэдактар Office Mobile.
Праграма бясплатная, аднак пакуль даступная толькі ў ЗША (пазней Office Mobile з'явіцца і ў іншых краінах), піша lenta.ru.
Яшчэ адно абмежаванне - працаваць з ёй могуць толькі падпісанты платнага сэрвісу Office 365. Падпіска каштуе ад 680 тысяч беларускіх рублёў у год.
Office Mobile дазваляе праглядаць, ствараць і рэдагаваць тэкставыя файлы (Word), табліцы (Excel) і прэзентацыі (PowerPoint). Дакументы захоўваюцца ў «воблачным» сховішчы SkyDrive.
Працаваць з праграмай можна і ў адсутнасці інтэрнэту. У гэтым выпадку змяненні, унесеныя карыстальнікам, будуць дададзеныя ў дакументы, калі прылада зноў падключыцца да Сеткі.
Прыкладанне працуе на смартфонах iPhone, пачынаючы з iPhone 4, і на плэерах iPod touch, пачынаючы з пятага пакалення. Неабходна, каб на прыладах была ўсталяваная аперацыйная сістэма iOS 6.1.
«Кампутарная» версія Office - аднаго з самых папулярных у свеце офісных рэдактараў - даступная на Windows і на OS X. Microsoft выпускала мабільныя версіі пакета для платформаў Symbian, Windows Mobile і Windows Phone.
На Android і iOS, двух самых распаўсюджаных у свеце мабільных аперацыйных сістэмах, маецца толькі адно офіснае прыкладанне Microsoft - нататнік OneNote, хоць па неафіцыйных дадзеных кампанія плануе выпусціць для іх таксама Word, Excel і PowerPoint.