American Express спыняе продаж дарожных чэкаў у Беларусі

З 1 жніўня кампанія American Express спыняе продаж дарожных чэкаў на тэрыторыі Беларусі.

«Звяртаем вашу ўвагу, што ў адпаведнасці з рашэннем кампаніі American Express (ЗША), якая з'яўляецца эмітэнтам дарожных чэкаў American Express, з 01.08.2013 года спыняецца продаж дадзеных дарожных чэкаў на тэрыторыі Рэспублікі Беларусь. У сувязі з гэтым ААТ «АСБ Беларусбанк» будзе ажыццяўляць продаж дарожных чэкаў American Express па 31.07.2013 года», - гаворыцца ў паведамленні «Беларусбанка».

Купля дарожных чэкаў American Express будзе ажыццяўляцца ААТ «АСБ Беларусбанк» па 30 лістапада 2013 года.