25 красавiка 2024, Чацвер, 4:45
Падтрымайце
сайт
Сім сім,
Хартыя 97!
Рубрыкі

Сацыялістычны інтэрнацыянал: Свабоду беларускім вязням сумлення

6
Сацыялістычны інтэрнацыянал: Свабоду беларускім вязням сумлення

Адна з найбуйнейшых міжнародных арганізацый падтрымала беларускіх змагароў за свабоду.

Пасяджэнне Камітэта Сацыялістычнага інтэрнацыяналу краін СНД, Каўказа і Чарнаморскага рэгіёну прайшло 3-4 чэрвеня ў Тбілісі. На ім прысутнічала Марына Адамовіч - жонка палітзняволенага кандыдата ў прэзідэнты Мікалая Статкевіча і Ігар Барысаў - намеснік старшыні Беларускай сацыял-дэмакратычнай партыі (Грамада). У дэкларацыі, прынятай на пасяджэнні, утрымліваецца патрабаванне аб вызваленні беларускіх актывістаў апазіцыі і праваабаронцаў, якія зараз знаходзяцца ў турмах. Таксама міжнародная арганізацыя, якая ўключае 156 сацыялістычных і сацыял-дэмакратычных партый з больш, чым 100 краін свету, выказала салідарнасць з беларусамі, якія вядуць барацьбу з дыктатурай. Пра гэта паведамляецца на сайце Сацыялістычнага інтэрнацыяналу (пераклад - charter97.org).

«Камітэт выказвае сваю поўную салідарнасць з беларускім народам у яго барацьбе за свабоду, дэмакратыю, незалежнасць і захаванне сваёй нацыянальнай ідэнтычнасці. Працягваюцца сур'ёзныя парушэнні правоў чалавека з боку кіруючага рэжыму, і Камітэт заклікае спыніць пераслед лідараў апазіцыі, вызваліць і рэабілітаваць палітычных зняволеных, сярод якіх Мікалай Статкевіч, лідар БСДП (НГ) - партыі, якая ўваходзіць у Сацыялістычны інтэрнацыянал», - гаворыцца ў дэкларацыі.

У беларускіх турмах і калоніях цяпер знаходзяцца больш за дзесяць палітычных зняволеных. Сярод іх - былы кандыдат у прэзідэнты Мікалай Статкевіч, лідар «Маладога Фронту» Зміцер Дашкевіч, прадпрымальнік Мікалай Аўтуховіч, праваабаронца Алесь Бяляцкі і яшчэ 9 актывістаў апазіцыі.

Міжнародная супольнасць і праваабарончыя арганізацыі патрабуюць вызвалення беларускіх вязняў сумлення. Еўрапейскі Звяз і ЗША ўвялі візавыя і эканамічныя санкцыі супраць памагатых дыктатара - чыноўнікаў і бізнесменаў, замяшаных у правядзенні рэпрэсій і фінансавай падтрымцы рэжыму, для таго, каб дамагчыся выхаду на волю 14 палітвязняў.

Напісаць каментар 6

Таксама сачыце за акаўнтамі Charter97.org у сацыяльных сетках