Топ-20 стратных беларускіх кампаній

У лідарах мясакамбінаты, вытворцы тэлевізараў і піва.

Сума страт дваццаці самых стратных ААТ Беларусі за I квартал 2013 года дасягнула 478,3 млрд рублёў, або $55,5 млн. Такія дадзеныя прыводзіць Мінфін у справаздачы аб працы беларускіх публічных кампаній па выніках I квартала 2013 года. Onliner.by склаў на іх аснове рэйтынг з дваццаці найбольш стратных прадпрыемстваў краіны.

Больш усяго стратных кампаній назіраецца ў сферы мясной вытворчасці. З дваццаці найбольш стратных прадпрыемстваў - шэсць мясакамбінатаў. Таксама маюцца ў рэйтынгу тры цэментныя і два цукровыя заводы.

Са знакамітых беларускіх кампаній у рэйтынгу апынуліся вытворца тэлевізараў - ААТ «Віцязь» - і вытворца піва - ААТ «Крыніца»: яны занялі сёмае і восьмае месцы адпаведна. За I квартал 2013 года кампанія «Віцязь» спрацавала ў мінус на $2,9 млн у эквіваленце, а «Крыніца» - на $2,8 млн.

Прадстаўнік цэлюлозна-папяровай прамысловасці - Светлагорскі ЦКК - заняў у нашым рэйтынгу пяты радок, страціўшы ў I квартале $3,6 млн у эквіваленце. Па ўсёй верагоднасці, мадэрнізацыя галіны да прадпрыемства пакуль не дакацілася.

Тройку лідараў замыкае Барысаўскі мясакамбінат, у яго актыве страта ў $4,3 млн. Пасля ўспышкі эпідэміі АЧС у гэтым годзе беларускім мясаперапрацоўшчыкам прыйдзецца несалодка, і, хутчэй за ўсё, варта чакаць росту іх страт.

На другім месцы топ-20 самых стратных кампаній размясцілася «Магілёўхімвалакно» з $4,9 млн страты. Паводле ацэнак спецыялістаў, стратнасць гэтага прадпрыемства была непазбежнай у сувязі з ўнутрырэспубліканскім ростам тарыфаў на электраэнергію.

Абсалютным лідарам рэйтынгу стаў вытворца цэменту - кампанія ААТ «Краснасельскбудматэрыялы». За I квартал 2013 года гэта прадпрыемства спрацавала на $5 млн страты.