Латвія настойвае на будаўніцтве плота на мяжы з Беларуссю

Краіны ЕЗ хочуць адгарадзіцца ад Беларусі, каб пазбегнуць распаўсюджвання афрыканскай чумы свіней.

Плот не спыніць распаўсюджванне афрыканскай свіной чумы ў лясах Латвіі, але дапаможа абмежаваць распаўсюджванне хваробы, таму Харчовая і ветэрынарная служба Латвіі працягвае падтрымліваць прапанову калегаў з Літвы аб будаўніцтве плота і, такім чынам, хоць бы на час затрымаць распаўсюджванне свіной чумы на тэрыторыі Еўрапейскага звяза, піша gorod.lv.

На сённяшні дзень удзельнікі сходу (эксперты самакіравання па ахове прыроды, прадстаўнікі Дзяржаўнай лясной службы, паляўнічыя і свінаводы), які прайшоў у Харчовай і ветэрынарнай службе, прызнаюць, што будаўніцтва плота - сенсіціўнае пытанне. Будаўніцтва плота адназначна паўплывае на прыроду і віды жывёл Латвіі, але з усіх магчымых мерапрыемстваў па прафілактыцы, менавіта гэты метад быў прызнаны лепшым.

Спецыялісты прызнаюцца, калі камісія ЕЗ прысудзіць фінансаванне на будаўніцтва плота, а таксама, калі эксперты Еўропы падтрымаюць прапанову, то плот можна пабудаваць уздоўж межаў усіх трох краін Балтыі і Польшчы, але, разам з тым, плот павінен будзе затрымліваць толькі перамяшчэнне дзікоў, але не іншых жывёл. Гаворка ідзе не пра такі плот, які мы прывыклі бачыць, а пра ўмоўную, спецыяльна абсталяваную ахоўную паласу, якую кабаны не змогуць перасекчы.

Разам з тым неабходна ўвесці і іншыя комплексныя мерапрыемствы па абмежаванні хваробы - неабходна ўмацаваць біябяспеку на свінафермах, забяспечыць пільны нагляд на мяжы і праінфармаваць аб мерапрыемствах бяспекі гаспадаркі, у якіх утрымліваюцца свінні. Усе мерапрыемствы павінны адначасова праходзіць ва ўсіх памежных дзяржавах, а таксама ў Расеі і Беларусі.

Удзельнікі сходу абмеркавалі магчымасць змяншэння папуляцыі дзікоў шляхам узмоцненага палявання, але разам з тым прызналі, што на гэтых тэрыторыях могуць перамяшчацца дзікі з інфікаваных зон. Прадстаўнік паляўнічых прызнаў - у Латгаліі водзіцца менш за ўсё дзікоў у параўнанні з іншымі рэгіёнамі Латвіі.

«Любое з пытанняў, разгледжаных на сходзе абмяркоўваецца і патрабуе значных фінансавых укладанняў, але мы не можам не рабіць нічога для абмежавання афрыканскай свіной чумы ў Латвіі», - выказаўся генеральны дыктар ПВС Марыс Балодзіс.

«Калі хвароба перасячэ мяжу, нам будзе прасцей з ёй змагацца, калі тэрыторыя будзе абмежаваная, таму мы падтрымліваем прапанову Літоўскіх калегаў, але ў той жа час працягваем кансультавацца з экспертамі», - адзначыў ён.