ВНУ выставілі цэннікі на новы навучальны год

Колькі грошай спатрэбіцца першакурснікам, каб вучыцца па абранай спецыяльнасці без пагрозы размеркавання?

Адказ на гэтае пытанне «Інтэрфакс» дае на аснове дадзеных, атрыманых у ВНУ Беларусі напярэдадні пачатку 2013/2014 навучальнага года.

Неабходная прадмова

У ліпені начальнік упраўлення Міністэрства адукацыі Сяргей Раманюк заяўляў, што плата за навучанне ў беларускіх ВНУ павысіцца з 1 верасня «у межах 20%». І звязана гэта, у прыватнасці, з тым, што на працягу 2012-2013 навучальнага года памер платы мяняўся, «у той час як стаўка тарыфнага разраду ў краіне павышалася тры разы».

Паводле слоў прадстаўніка Мінадукацыі, кошт будзе вар'іравацца ў залежнасці ад формы навучання і ад курсу. Пры гэтым ВНУ маюць права, у залежнасці ад сваёй эканамічнай сітуацыі, вызначаць адсотак, на які паднімуцца расцэнкі, самастойна. Прыватным ВНУ, у адрозненне ад дзяржаўных, верхняя планка ў 20% не ўказ.

Першымі, яшчэ да заканчэння прыёму дакументаў, паведамілі пра новыя расцэнкі ВНУ, упэўненыя ў тым, што менавіта ў іх сцены прыйдзе дастатковая колькасць абітурыентаў, каб і вакантныя месцы запоўніць, і такі-сякі конкурс стварыць. Астатнія навучальныя ўстановы агучылі планы канфіскацыі грошай у студэнтаў крыху пазней. І тое не ўсе: па стане на 5 жніўня не апублікавалі на сваіх сайтах адпаведную інфармацыю каля 10% вышэйшых навучальных устаноў краіны.

Партал www.interfax.by прапануе вашай увазе агляд, з якога ясна, колькі бацькам першакурснікаў, якія паступілі на платную форму навучання ў ВНУ Беларусі, прыйдзецца выкласці за тое, што іх дзеці не прайшлі па конкурсе на бюджэтныя месцы. Дадзены факт тым больш крыўдны, улічваючы, што конкурс па большасці спецыяльнасцяў у многіх ВНУ быў зусім сціплым.

Менск

Беларускі дзяржаўны медыцынскі ўніверсітэт. На 1 курсе лячэбнага, педыятрычнага, фармацэўтычнага факультэтаў у 2013/2014 навучальным годзе кошт навучання складзе Br16 400 000, на стаматалагічным факультэце - Br19 150 000, на медыка-прафілактычным - Br15 000 000.

Беларускі нацыянальны тэхнічны ўніверсітэт. Кошт навучання для першакурснікаў складзе ад Br13 335 000 да Br14 720 000.

Беларускі дзяржаўны ўніверсітэт. На большасці факультэтаў кошт навучання на дзённай форме складае ад Br14 160 000 да Br14 880 000. Самая высокі кошт - на некаторых спецыяльнасцях юрыдычнага факультэта і факультэта міжнародных адносінаў: тут ён дасягае амаль Br18 000 000.

Акадэмія кіравання пры прэзідэнце Рэспублікі Беларусь. Студэнты дзённай формы навучання павінны ўнесці за год Br15 320 000 у два этапы - да 15 верасня і да 31 студзеня.

Беларускі дзяржаўны аграрны тэхнічны ўніверсітэт. Студэнтам дзённай формы навучання трэба будзе заплаціць Br10 300 000.

Беларускі дзяржаўны педагагічны ўніверсітэт ім. М.Танка. Ад першакурснікаў (дакладней, у большасці выпадкаў ад іх бацькоў) патрабуецца ўнесці ад Br11 371 700 да Br12 009 600. Танней за ўсё вучыцца выпускнікам: плата за 2013/2014 год складзе ад Br8 310 000 (скарочаная форма навучання) да Br11 778 400.

Беларускі дзяржаўны ўніверсітэт інфарматыкі і радыёэлектронікі. Кошт навучання ў БДУІР для студэнтаў першага курсу на 2013/2014 навучальны год складае ад Br16 170 000 (факультэт інфармацыйных тэхналогій і кіравання і інжынерна-эканамічны факультэт) да Br16 905 000 (факультэт камп'ютэрных сістэм і сетак).

Беларускі дзяржаўны эканамічны ўніверсітэт. На дзённай форме навучання студэнты-першакурснікі ўсіх груп спецыяльнасцяў заплацяць аднолькава - Br15 244 000. Чым далей ідзе навучанне, тым ніжэй яго кошт. Напрыклад, пяцікурснікі ў 2013/2014 годзе заплаціць Br9 609 000 - Br9 833 000 за поўны год, а тыя, хто завяршае вучобу не пазней за люты, - Br6 511 000 - Br6 690 000.

Вышэйшы дзяржаўны каледж сувязі. У гэтай навучальнай установе ўстаноўленая памесячная аплата. Пры такім раскладзе сума здаецца і не вельмі высокая - на дзённым аддзяленні ад Br1 080 250 да Br1 216 400.

Міжнародны дзяржаўны экалагічны ўніверсітэт імя А.Дз. Сахарава. Першакурснікі-«дзённікі» заплацяць ад Br13 247 000 да Br13 782 400.

Прыватны інстытут кіравання і прадпрымальніцтва. Студэнты 1-5 курсаў па ўсіх спецыяльнасцях дзённай формы навучання за год заплацяць Br9 950 000.

Філіял Расейскага дзяржаўнага сацыяльнага ўніверсітэта ў г.Менску. Студэнты дзённай формы навучання ўнясуць у касу ВНУ ў 2013/2014 годзе 30 300 - 40 100 расейскіх рублёў (па курсе Нацыянальнага банка Рэспублікі Беларусь).

БІП-Інстытут правазнаўства. Кошт навучання першакурснікаў - Br10 800 000 - Br14 319 000.

Інстытут парламентарызму і прадпрымальніцтва. Па ўсіх спецыяльнасцях на першым курсе дзённага аддзялення кошт навучання складае Br10 000 000.

Інстытут прадпрымальніцкай дзейнасці. У залежнасці ад спецыяльнасці студэнты любога з курсаў за наступны навучальны год заплацяць ад Br9 505300 да Br10 657.000.

Інстытут сучасных ведаў імя А.М. Шырокава. Для студэнтаў Рэспублікі Беларусь дзённай формы навучання памер аплаты складзе ад Br13 800 000 да Br16 200 000.

Міжнародны гуманітарна-эканамічны інстытут. Тут памер аплаты паказаны ў далярах. Студэнты на дзённай форме навучання за год павінны будуць аддаць $1239-1364 - зразумела, па курсе Нацбанка на дзень паступлення грашовых сродкаў на разліковы рахунак або ў касу ВНУ.

Менскі інстытут кіравання. Аплата за вучобу уносіцца за чатыры заходы. Першы ўнёсак - ад Br2 640 000 да Br2 865 000 у залежнасці ад спецыяльнасці. Але даражэй за ўсё абыйдзецца навучанне па спецыяльнасці «дызайн": першы ўнёсак - Br2 925 000.

Брэсцкая вобласць

Баранавіцкі дзяржаўны ўніверсітэт. У гэтай ВНУ асабліва падкрэсліваюць, што кошт навучання на працягу 2013/2014 навучальнага года ў дачыненні да студэнтаў, у тым ліку замежных грамадзян, якія ўнеслі плату за навучанне на дадзены навучальны год не пазней за 30 верасня 2013 года ў поўным аб'ёме, змяняцца не будзе. Такім чынам, для студэнтаў дзённай формы атрымання адукацыі 1 курса і першага года навучання, незалежна ад курса (для асоб, якія атрымліваюць другую вышэйшую адукацыю і са скарочаным тэрмінам навучання), памер аплаты складае Br12 500 000.

Брэсцкі дзяржаўны ўніверсітэт імя А.С.Пушкіна. Першакурснікі ў гэтай ВНУ растануцца на працягу года з Br12 800 000 - Br14 100 000. Найбольшую аплату патрабуюць на юрыдычным факультэце.

Палескі дзяржаўны ўніверсітэт. Тут устаноўлена адзіная сума для ўсіх студэнтаў пры рэалізацыі адукацыйных праграм першай ступені вышэйшай адукацыі ў «дзённым» варыянце - Br12 500 000.

Віцебская вобласць

Віцебская дзяржаўная акадэмія ветэрынарнай медыцыны. У гэтай ВНУ звяртае на сябе ўвагу нататка «на пачатак 2013-2014 навучальнага года». Першакурснікам трэба рыхтаваць суму ад Br6 691 000 да Br8 332 000.

Віцебскі дзяржаўны медыцынскі ўніверсітэт. На 1 курсе за навучанне на лячэбным і фармацэўтычным факультэтах просяць аддаць Br16 099 000, на стаматалагічным - Br18 576 000.

Полацкі дзяржаўны ўніверсітэт. На ўсіх невыпускных курсах кошт гадавога навучання вагаецца ад Br10 560 000 да Br10 740 000.

Гомельская вобласць

Беларускі дзяржаўны ўніверсітэт транспарту. Для ўсіх першакурснікаў плата на 2013/2014 год складзе Br12 200 000.

Гомельскі дзяржаўны медыцынскі універсітэт. Кошт навучання студэнтаў з Беларусі за 1 паўгоддзе 2013-2014 навучальнага года склаў Br6 630 000. Адпаведна, за год - Br13 260 000.

Гомельскі дзяржаўны тэхнічны ўніверсітэт ім. П.В.Сухога. На дзённай форме навучання студэнтам 1 і 2 курсаў устаноўленая аплата ад Br11 040 000 да Br11 900 000.

Мазырскі дзяржаўны педагагічны ўніверсітэт імя І.П.Шамякіна. Па ўсіх спецыяльнасцях для першакурснікаў памер аплаты аднолькавы - Br11 350 000.

Гродзенская вобласць

Гродзенскі дзяржаўны медыцынскі ўніверсітэт. За навучанне на 1 курсе студэнтам прыйдзецца заплаціць ад Br15 970 000 да Br16 150 000.

Магілёўская вобласць

Беларуская дзяржаўная сельскагаспадарчая акадэмія. Кошт навучання пры рэалізацыі адукацыйных праграм вышэйшай адукацыі 1 ступені (поўны і скарочаны тэрмін навучання) на платнай аснове на 2013-2014 навучальны год па дзённай форме атрымання адукацыі на 1-5 курсах аднолькавы і складае ад Br7 302 000 да Br7 848 000.

Беларуска-Расейскі ўніверсітэт. На 1-2 курсах дзённай формы навучання (тэхнічныя спецыяльнасці) - Br13 440 000, па эканамічных спецыяльнасцях - Br13 680 000.

Магілёўскі дзяржаўны ўніверсітэт імя А. А. Куляшова. На 1 курсе ўсе спецыяльнасці, акрамя псіхалогіі, правазнаўства і бізнес-адміністравання, «каштуюць» Br11 400 000. Навучанне па спецыяльнасцях «псіхалогія», «правазнаўства» і «бізнес-адміністраванне» абыйдзецца першакурснікам у Br12 000 000.

Магілёўскі дзяржаўны ўніверсітэт харчавання. Плата за навучанне на 2013/2014 год для студэнтаў 1 курса дзённай формы ўстаноўленая ў наступных памерах: тэхналагічныя, механічныя, хіміка-тэхналагічныя спецыяльнасці - Br11 760 000, эканамічныя спецыяльнасці - Br12 240 000.