Брытанец сфатаграфаваў «анёла»

Жыхары ваколіцы Лондана сутыкнуліся з незвычайнай атмасфернай з'явай.

Увечары 11 верасня ў небе з'явілася воблака, што свяцілася і сваімі контурамі вельмі нагадвала анёла. Мясцовыя жыхары ўпэўненыя, што гэта было не звычайнае воблака, а боскі знак, піша The Telegraph.

«Я працаваў на гарышчы ў свайго бацькі, калі паглядзеў у акно і раптам убачыў анёла. Я паспеў схапіць камеру і зрабіць пару фотаздымкаў, перш чым аблокі разышліся», - распавёў адзін з жыхароў Сідмута. Паводле яго слоў, «анёл слізгаў па небе, расправіўшы рукі і распусціўшы валасы».

Ян быў не першым чалавекам, хто ўбачыў «анёла» ў небе ў гэтым годзе. Раней, за некалькі гадзін да таго, як новы Папа Рымскі Францыск зрабіў сваю першую заяву на пасадзе кіраўніка Ватыкана, жыхар Фларыды заявіў, што сфатаграфаваў аблокі, якія нагадваюць «анёла, які ляціць».