Беларусь павышае тарыфы на транзіт нафты

Беларусь з 1 лютага павялічвае тарыфы на транспарт і транзіт нафты на 8,3-8,9%.

У Беларусі з 1 лютага тарыфы на паслугі па транспарціроўцы нафты па тэрыторыі рэспублікі транзітам для замежных спажыўцоў і для паставак на ўласныя НПЗ павялічваюцца на 8,3-8,9%.

Такое рашэнне замацавана пастановамі міністэрства эканомікі рэспублікі N2 і N3 ад 20 студзеня 2014 года і афіцыйна апублікаванымі на Нацыянальным прававым інтэрнэт-партале, піша «Інтэрфакс».

Паводле дакументаў, тарыф на паслугі па транспарціроўцы нафты па беларускіх участках магістральных трубаправодаў ААТ «Гомельтранснафта Дружба» і ААТ «Полацктранснафта Дружба» па кірунку «Унеча (Высокае) - Адамава Застава» цяпер складае 214,09 рас.руб. за 1 тону нета без ПДВ; па кірунку «Унеча - Броды» - 91,96 рас.руб.; па кірунку «Невель (Вялікія Лукі) - Полацк - Высокае» - да 26,68 рас.руб. за 1 тону (тарыф на паслугі па прыёме і транспарціроўцы нафты для далейшага замяшчэння па напрамках - Германія, Чэхія, Славакія, Польшча, Венгрыя, Украіна).

Пастановай N3 устаноўленыя тарыфы на паслугі па транспарціроўцы нафты па сістэме магістральных трубаправодаў «Гомельтранснафты» і «Полацктранснафты» па тэрыторыі рэспублікі пры ажыццяўленні разлікаў у беларускіх рублях, а таксама ў замежнай валюце ў выпадках, прадугледжаных беларускім заканадаўствам. Так, пры ажыццяўленні разлікаў у беларускіх рублях уводзяцца тарыфы: на транспарціроўку па кірунку «Рэчыца – ААТ «Мазырскі НПЗ» Br3 698 за 1 тону нета без ПДВ; па кірунку «Рэчыца - Адамава Застава» - Br46 521; тарыф па кірунку «Рэчыца - ЛПДС Мазыр» - Br3 160; па кірунку «Броды - Мазыр - ААТ «Мазырскі НПЗ» - Br4 461 за тону.

Пры ажыццяўленні разлікаў у валюце з 1 лютага дзейнічаюць наступныя тарыфы: за транспарціроўку па кірунку «Невель - Полацк – ААТ «Нафтан» - 25,98 рас.руб. за 1 тону нета без ПДВ; па кірунку «Унеча (Высокае) - Полацк – ААТ «Нафтан» - 99,71 рас.руб.; па кірунку «Невель - Полацк - Унеча - ААТ «Мазырскі НПЗ» - 22,47 рас. руб. (тарыф на паслугі па прыёме і транспарціроўцы нафты для далейшага яе замяшчэння па дадзеным маршрутным напрамку); тарыф па кірунку «Унеча - Мазыр - ААТ «Мазырскі НПЗ» складзе 45,63 рас.руб.; па кірунку «Броды - Мазыр - ААТ «Мазырскі НПЗ» - 15,59 рас.руб. за тону.

У папярэдні раз у Беларусі тарыфы на транзіт і транспарт нафты па тэрыторыі рэспублікі павялічваліся 1 лютага 2013 года - у сярэднім на 9,7%.

Беларусь і РФ, згодна з дзеючым міжурадавым пагадненнем, сумесна зацвярджаюць тарыфы на транзіт нафты праз тэрыторыю рэспублікі. Узгадненне тарыфаў штогод адбываецца ў тэрмін да 1 лютага. Тарыфы на транспарціроўку нафты ўстанаўліваюцца ў расейскіх рублях.