14 лiпеня 2024, Нядзеля, 11:39
Падтрымайце
сайт
Сім сім,
Хартыя 97!
Рубрыкі

Сябар Пуціна «Хірург» хоча прывезці ў Кіеў расейскіх байкераў

74
Сябар Пуціна «Хірург» хоча прывезці ў Кіеў расейскіх байкераў

Скандальна вядомы лідар байкерскага клуба «Начныя ваўкі» Аляксандр «Хірург» Залдастанаў сабраўся ва Украіну.

Пра гэта ён распавёў журналістам.

Са слоў «Хірурга» байкеры ўзяліся «ахоўваць украінскія гарады ад радыкалаў і правакатараў». Ён распавёў, што патрулі матацыклістаў праходзяць у Севастопалі, Сімферопалі, Харкаве, Луганску і іншых гарадах. Матацыклісты нясуць кругласутачную вахту ля будынкаў адміністрацыі і іншых важных гарадскіх аб'ектаў.

«Начныя ваўкі» не будуць сядзець «пад ліштвай» у цяжкі для краіны момант. Яны будуць са сваімі людзьмі, - заявіў «Хірург». - Калі людзі на перадавой, то мы будзем там жа...Мы проста не далі разгуляцца «канібалам», якія задумалі закалоты ў Кіеве».

Са слоў «Хірурга», людзі не спяць, сядзяць на барыкадах начамі, бо не ведаюць, калі будзе напад, правакацыя.

«Безумоўна, людзі разумеюць, што магчымы ўзброены напад і рыхтуюцца адпаведным чынам. Магу сказаць, што «Начныя ваўкі» не будуць прымяняць зброю», - запэўніў ён.

Пры гэтым Аляксандр Залдастанаў прызнаўся, што сам адправіцца ва Украіну толькі па просьбе клуба, каб у яго дзеяннях не шукалі які-небудзь палітычны падтэкст.

«Калі папросіць мяне мой клуб, мае ўкраінскія браты, вядома, паеду. І ўсё буду рабіць разам з імі», - паабяцаў ён.

Як вядома, «Хірург» з'яўляецца даўнім сябрам прэзідэнта Расеі Уладзіміра Пуціна.

Менавіта з ім Пуцін катаўся 4 гадзіны на матацыкле, пакуль яго чакаў для сустрэчы прэзідэнт Віктар Януковіч.

Напісаць каментар 74

Таксама сачыце за акаўнтамі Charter97.org у сацыяльных сетках