21 красавiка 2024, Нядзеля, 11:24
Падтрымайце
сайт
Сім сім,
Хартыя 97!
Рубрыкі

ЕЗ працягнуў санкцыі супраць уладаў Беларусі

16
ЕЗ працягнуў санкцыі супраць уладаў Беларусі

Пры гэтым «чорны спіс» быў скарочаны.

Рада Еўразвяза на год працягнула санкцыі ў дачыненні да Беларусі. Пастанова аб гэтым прынятая 30 кастрычніка. Пра гэта паведамляе прэс-служба Рады ЕЗ.

Пастанова аб гэтым прынятая ў сувязі з тым, што «не ўсе палітычныя зняволеныя былі вызваленыя і рэабілітаваныя, а становішча з павагай правоў чалавека, вяршэнствам закона і дэмакратычных прынцыпаў значна не палепшылася», - гаворыцца ў паведамленні.

ЕЗ таксама абнавіў спіс фізічных і юрыдычных асоб, на якіх распаўсюджваюцца санкцыі. Так, рада прыняла пастанову, што больш няма падстаў для прымянення санкцыі ў дачыненні да 24 чалавек і сямі юрыдычных асоб.

«Гэта пастанова не адлюстроўвае якіх-небудзь змяненняў у палітыцы ЕЗ у дачыненні да Беларусі, выкладзеных у заключэннях Еўрапейскай рады ад 15 кастрычніка 2012 г г: ЕЗ захоўвае сваю палітыку крытычнага ўзаемадзеяння з Беларуссю, накіраванага на садзейнічанне павазе правоў чалавека, вяршэнства закона і дэмакратычных прынцыпаў у Беларусі», - гаворыцца ў паведамленні.

Пасля карэкцыі «чорнага спісу» пад візавыя і эканамічныя абмежаванні ЕЗ падпадаюць 219 беларускіх чыноўніка, у тым ліку Лукашэнка, і 25 кампаній. Санкцыі ўведзеныя супраць гаманцоў дыктатара - Юрыя Чыжа, Уладзіміра Пефціева і Анатоля Тарнаўскага і іх фірмаў. Абмежавальныя меры супраць уладаў Беларусі дзейнічаюць праз сістэматычнае парушэнне імі правоў чалавека і рэпрэсій супраць апазіцыі і грамадзянскай супольнасці.

Напісаць каментар 16

Таксама сачыце за акаўнтамі Charter97.org у сацыяльных сетках