Дырэктар завода ў Добрушы: Чаму няма заробку? Бо грошай няма!

Рабочыя Добрушскага фарфоравага завода страйкуюць праз затрымку заробкаў.

Пра гэта паведаміў charter97.org чытач.

«У Добрушы на фарфоравым заводзе забастоўка - затрымка заробку амаль на тыдзень. А яшчэ ў нас ёсць іншае стратнае прадпрыемства - папяровая фабрыка, дзе кітайцы праводзяць мадэрнізацыю і атрымліваюць у 4-5 разоў больш за беларусаў», - скардзіцца ён.

Дырэктар фарфоравага завода Алег Парфянюк пацвердзіў charter97.org затрымку заробкаў і выразна і зразумела растлумачыў прычыну.

«Чаму няма заробку? Бо грошай няма! Але сёння пасля абеду ці заўтра павінны з'явіцца», - запэўніў ён.

Нагадаем, у краіне ўжо некалькі месяцаў запар паступаюць паведамленні аб пераводзе прадпрыемстваў на чатырох- і трохдзёнку, пра няпоўныя выплаты заробкаў і аб іх памяншэнні, а таксама аб прымусовым выпраўленні ў адпачынак за свой кошт.