23 лiпеня 2024, aўторак, 17:56
Падтрымайце
сайт
Сім сім,
Хартыя 97!
Рубрыкі

Вольгу Нікалайчык судзяць за сцяг на плошчы Незалежнасці

5
Вольгу Нікалайчык судзяць за сцяг на плошчы Незалежнасці

У судзе Маскоўскага раёна Менска адбудзецца разгляд адміністрацыйнай справы рэжысёра Вольгі Нікалайчык.

Яе вінавацяць у непадпарадкаванні супрацоўнікам міліцыі, піша сайт ПЦ «Вясна».

Актывістка Ніна Багінская ўчора ўвечары каля Чырвонага касцёла разгарнула бел-чырвона-белы сцяг у знак памяці пра падзеі Плошчы 2010 года. Гэтую акцыю здымала рэжысёр Вольга Нікалайчык. Калі амапаўцы сталі пераследаваць актывістку апазіцыі, яна заступілася за яе. У выніку Ніну Багінскую адпусцілі, а Вольгу Нікалайчык затрымалі.

Як паведаміў актывіст Леанід Кулакоў, рэжысёра адвезлі ў Маскоўскі РАУС і пакінулі да суду ў пастарунку. Ежу, якую спрабавалі перадаць сябры, прыняць адмовіліся.

Суд прызначаны на 10 гадзін раніцы ў судзе Маскоўскага раёна Менска (праспект Газеты Праўда, 27)

Вольга Нікалайчык - рэжысёр-дакументаліст, аўтар вядомых фільмаў «Катаванні ў Беларусі» і «Падарожжа па бясконцай вайне». Яе стужкі пра беларускіх палітвязняў неаднаразова дэманстраваліся на міжнародных фестывалях.

Напісаць каментар 5

Таксама сачыце за акаўнтамі Charter97.org у сацыяльных сетках