Беларускія тэнісісткі без Азаранка разграмілі турчанак

У першым матчы групы «D» Еўра-Афрыканскай групы I Кубка федэрацыі жаночая зборная Беларусі па тэнісе ўсухую перамагла каманду Турцыі - 3:0.

Канчатковы лік устанавіў парны паядынак, у якім Ілона Крэмень і Ірына Шымановіч абыгралі пару Чагла Буюкакчай / Пемра Озген - 7:5, 6:1, паведамляе «Прессбол».

Напярэдадні ў адзіночных паядынках Аляксандра Сасновіч (151-е месца ў рэйтынгу ВТА) выйграла ў Пемра Озген (221) - 6:4, 6:3; а Вольга Гаварцова (98) - у Джагла Буюкакджай (172) - 7:5, 3:6, 7:6 (8:6).

6 лютага наша каманда згуляе з Партугаліяй, 7-га - з Балгарыяй.

Нагадаем, што за нашую зборную адмовілася выступаць другая ракетка свету Вікторыя Азаранка.