30 ядзерных бамбавікоў з'явіліся ля ўсходняй мяжы Украіны

Спадарожнікі ЗША зафіксавалі 30 ядзерных бамбавікоў РФ, якія прыбылі ў Варонежскую вобласць.

Міністэрства абароны ЗША атрымала спадарожнікавыя здымкі, на якіх выяўленыя больш за 30 расейскіх ядзерных бамбавікоў, якія прыбылі на аэрадром побач з Барысаглебскам Варонежскай вобласці, піша korrespondent.net.

Назіраюцца шматлікія перавозкі паміж сховішчам ядзернай зброі (Варонеж-45) да самалётаў, якія ў цяперашні час стаяць на аэрадроме на дзвюх узлётна-пасадачных палосах, паведамлдяе Turner Radio Network.

Сховішча ядзернай зброі ля Барысаглебска знаходзіцца па каардынатах: шырата 51° 21'47 "N, даўгата 41° 55'38 "E паблізу гарадоў Пяскі, Урупінск, Балашоў, у прыкладна 590 мілях на ўсход ад Кіева.

Як паведамляюць крыніцы з Нацыянальнага разведвальнага ўпраўлення, яшчэ 4 сакавіка ў аэрапорце было толькі два бамбавікі. Гэта характэрна для гэтага аб'екта і гэтыя самалёты можна нават убачыць на старых здымках.

5 сакавіка спадарожнікі ЗША зрабілі здымак, які паказвае мноства бамбавікоў, якія прыбылі на базу. У той жа дзень, пазней, амерыканскі беспілотнік назірання лётаў над расейскай базай і паказаў, што больш за 30 ядзерных бамбавікоў прыбылі на аэрадром.