У Менску з'явіўся свой «Галівуд»

У сталіцы адкрыўся новы рэстаран, у якім працуюць Брэд Піт, Анджэліна Джолі і іншыя зоркі амерыканскага кінематографа.

«Запрошаныя» знакамітасці агульнай колькасцю 17 штук - васковыя фігуры, створаныя іранскім скульптарам Хамідам Кангарані. Майстар (а не ягоная копія) таксама прысутнічаў у зале, атрымліваючы асалоду ад атрыманага эфекту. Дарэчы, дзякуючы гэтым скульптурам рэстаран лічыцца яшчэ і музеем, а ў хуткім часе будзе разгледжана заяўка на ўключэнне «Галівуду» ў кнігу рэкордаў Гінеса: Менск - адзіны горад, у рэстаране якога столькі васковых скульптур.

Уласнік - італійскі бізнэсовец, якога на адкрыцці прадстаўляў дырэктар «Галівуду» кубінец Томас. Як патлумачыла старана, якая запрашае, рэстаранны бізнэс - хобі заснавальніка, якому так спадабаўся Менск, што рэстаран пастанавілі адкрыць менавіта тут.

Запрошаныя з цікаўнасцю праходзілі па чырвонай дарожцы ў памяшканне, якое было дэкараванае здымкамі зорак Галівуду, і натыкаліся на першы «экспанат», уціснуты ў чамадан - Гары Гудзіні. Лёгкая перадышка ля Элвіса Прэслі - і можна праходзіць у залу на 140 месцаў.

Кухняй загадвае шэф-кухар з Перу: у меню лацінаамерыканскія і еўрапейскія стравы. Паколькі рэстаран акружаны некалькімі ВНУ, студэнтам творчых факультэтаў абяцаюць зніжку, а іх выкладчыкам - VIP-карту.

Калі сярод наведвальнікаў знойдуцца і такія, застаецца спадзявацца, што «галівудзіць» яны будуць не да закрыцця рэстарана, вызначанага на 4 раніцы, асабліва ў час сесіі. Але значна часцей тут можна будзе сустрэць публіку, прысутную на адкрыцці, - рэстаран разлічаны на заможных грамадзян. Для іншых аматараў Галівуду - музей.