27 лютага 2024, aўторак, 19:54
Падтрымайце
сайт
Сім сім,
Хартыя 97!
Рубрыкі

Алесь Бяляцкі: Журналістаў і праваабаронцаў выбіваюць з перадвыбарнага працэсу

4
Алесь Бяляцкі: Журналістаў і праваабаронцаў выбіваюць з перадвыбарнага працэсу

Улады не хочуць, каб інфармацыя аб парушэннях закона даходзіла да людзей.

Кіраўнік праваабарончага цэнтра "Вясна" Алесь Бяляцкі пракаментаваў на сваёй старонцы ў сацыяльнай сетцы "Фэйсбук" апошнія факты пераследу журналістаў і праваабаронцаў у Магілёве.

"12 сакавіка адбыўся ператрус у памяшканні, дзе размяшчаюцца рэдакцыя газеты "Наш Магілёў" і філіял ПЦ "Вясна", у аўторак, 17 сакавіка, у абласным судзе - працэс аб ліквідацыі Магілёўскага праваабарончага цэнтра. Відавочна, што гэтыя падзеі звязаныя паміж сабой. Прэтэнзіі , якія абласныя ўлады мелі да незалежных журналістаў і праваабаронцаў, цяпер пачалі набываць форму канкрэтнага пераследу з мэтай запалохаць, спыніць журналісцкую актыўнасць і пазбавіць адзіную зарэгістраваную абласную праваабарончую арганізацыю легальных правоў для дзейнасці. Гэта спланаваная акцыя", - напісаў былы палітвязень.

Паводле ягоных слоў, пераслед праваабаронцаў і журналістаў набывае сталы характар. Яшчэ зусім нядаўна з краіны была высланая праваабаронца Алена Танкачова, у рэгіёнах ідуць адміністрацыйныя працэсы супраць журналістаў, якія працуюць на незалежныя СМІ.

"Такім чынам улады рыхтуюцца да выбараў. Яны спрабуюць выбіць журналістаў і праваабаронцаў з перадвыбарнага і выбарчага працэсу з тым, каб як мага менш інфармацыі аб парушэннях падчас выбараў, пра тое, як выбары праходзяць, даходзіла да людзей, да міжнароднай грамадскасці", - падкрэсліў Алесь Бяляцкі.

Нагадаем, у Магілёве 12 сакавіка міліцыя ў рамках праверкі паводле заявы аб паклёпе правяла агляды кватэры Ігара Барысава, рэдактара сайта "Наш Магілёў", і памяшканні, у якіх знаходзяцца рэдакцыя выдання і абласное аддзяленне Праваабарончага цэнтра "Вясна", выняўшы кампутарную тэхніку ў журналіста і праваабаронцаў. А Галоўная ўправа юстыцыі Магілёўскага райвыканкама ў гэтым месяцы праз суд распачала чарговую спробу спынення дзейнасці ГА "Магілёўскі праваабарончы цэнтр", папярэдне стварыўшы перашкоды для дзейнасці арганізацыі.

Напісаць каментар 4

Таксама сачыце за акаўнтамі Charter97.org у сацыяльных сетках