Працоўны МТЗ: Прымушаюць сысці ў адпачынак за свой кошт хаця б на адзін дзень у месяц

Сёння на Менскім трактарным заводзе выхадны дзень.

Чытач charter97.org паведаміў, пра што гаварыла на нарадзе начальства прадпрыемства.

«На мінулым тыдні на нарадзе начальнікаў цэхаў і ўпраўленняў МТЗ паступіла вуснае ўказанне намесніка генеральнага дырэктара Аляксандра Патураева аб тым, каб цягам месяца кожны інжынерна-тэхнічны работнік напісаў заяву на хоць бы адзін дзень адпачынку за свой кошт, у тым ліку і начальнікі. Рабочым такое прапанаваць баяцца, а на ІТР можа ўздзейнічаць начальнік. Пазбавіць персанальнай прэміі або падрэзаць аклад.

У сакавіку два працоўныя дні ўжо прыбралі, адзін перанеслі на снежань, іншы абвясцілі прастоем», - піша чытач.

Дзяжурны па заводзе МТЗ сказаў сайту charter97.org, што сёння на заводзе выхадны дзень, таму пракаментаваць сітуацыю няма каму.

Нагадаем, у краіне ўжо некалькі месяцаў запар паступаюць паведамленні аб пераводзе прадпрыемстваў на чатырох- і трохдзёнку, аб няпоўных выплатах заробкаў, іх памяншэнні, а таксама аб прымусовым выпраўленні ў адпачынак за свой кошт.

На прамысловых прадпрыемствах Беларусі колькасць працуючых паменшылася больш чым на 10.000 чалавек. Больш за ўсё супрацоўнікаў страцілі такія прамысловыя гіганты, як ЗАТ «Атлант», ААТ «МАЗ», ААТ «Менскі маторны завод» і ААТ «Барысаўскі завод «Аўтагідраўзмацняльнік». Усяго прайшлі праверкі ў 173 арганізацыях і было выяўлена 1184 парушэнні заканадаўства аб працы.