28 сакавiка 2024, Чацвер, 21:34
Падтрымайце
сайт
Сім сім,
Хартыя 97!
Рубрыкі

Сяргей Скрабец: Можа быць еўракамісар Хан не ведае пра палітвязьняў?

1
Сяргей Скрабец: Можа быць еўракамісар Хан не ведае пра палітвязьняў?

Удзел Беларусі ва "Усходнім партнёрстве" тармозіць не толькі афіцыйны Менск з Еўразвязам, але блакуе Расея.

Любая спроба пайсці на рэальнае збліжэнне з Еўразвязам скончыцца ўкраінскім сцэнарам, мяркуе генеральны сакратар БСДП (Народная Грамада) Сяргей Скрабец, паведамляе "Беларуская праўда".

16- 17 красавіка праходзіць працоўны візіт у Менск еўракамісара па Еўрапейскай палітыцы суседства ды перамоваў аб пашырэнні ЕЗ Ёханэса Хана. Еўракамісар сустрэнецца з беларускім кіраўніцтвам, з якім плануе абмеркаваць узаемадзеянне Беларусі ды ЕЗ і рэалізацыю ініцыятывы "Усходняга партнёрства".

Сяргей Скрабец выказаў неразуменне, як можна ў нашых умовах гаварыць з беларускімі ўладамі аб умацаванні добрасуседства.

- Хан прызначаны Еўракамісарам у Еўрапейскай палітыцы суседства ды перамоваў аб пашырэнні ЕЗ у мінулым лістападзе. Можа, ён яшчэ не ведае, што ў Беларусі сядзяць палітвязні, што тут парушаюцца правы чалавека, пераследуюць апазіцыйную прэсу. І прыехаў да беларускае ўлады ўсталёўваць добрасуседскія стасункі ды кантакты, што выклікае ў апазіцыі, па меншай меры, здзіўленне.

Трэба разумець, што ўдзел Беларусі ва "Усходнім партнёрстве" блакуецца не толькі самой Беларуссю і Еўразвязам, але блакуецца Расеяй. Давайце азірнемся на падзеі апошніх гадоў. Як толькі Бакіеў вырашыў пакінуць у Манасе базу NATO - яго прыбралі з прэзідэнцкай пасады; як толькі Грузія вырашыла пайсці ў ЕЗ і NATO - у яе адразу адцяпалі Абхазію і Паўднёвую Асецію; як толькі Украіна захацела асацыяцыі з Еўразвязам - пазбавіўся пасады Януковіч, а Украіна страціла дзве вобласці. Калі працягваць лагічны ланцужок, мы павінны зразумець: за жаданне зблізіцца з Еўразвязам мы павінны заплаціць Віцебскай і Магілёўскай абласцямі.

Таму пра якую палітыку добрасуседства можна размаўляць з цяперашняй уладай у нашых умовах - незразумела. Тым больш, што на тэму палітвязняў Еўропа наогул закрыла вочы. Усё добра: давайце пашыраць супрацоўніцтва, умацоўваць добрасуседскія стасункі.

Сур'ёзна ўспрымаць постаць Хана нельга: сам факт, што ўлады ўпусцілі яго на тэрыторыю Беларусі, выклікае масу пытанняў.

- Значыць, любое рэальнае збліжэнне Беларусі з Еўразвяам скончыцца ўкраінскім сцэнарам?

- Украінскім, грузінскім, малдаўскім ці кіргізскім. Прыкладаў шмат - выбірай любы: ці страта земляў, ці страта ўлады.

- Навошта тады еўрапейскія эмісары зачасцілі ў Беларусь?

- Інвестыцыі ж ідуць у Беларусь, і даволі сур'ёзныя: з Нямеччыны, Францыі, Чэхіі. Для абароны еўрапейскіх інвестыцый і ездзяць у Беларусь еўракамісары. Рэал палітык ніхто не адмяняў.

Напісаць каментар 1

Таксама сачыце за акаўнтамі Charter97.org у сацыяльных сетках