12 лiпеня 2024, Пятніца, 14:14
Падтрымайце
сайт
Сім сім,
Хартыя 97!
Рубрыкі

Мікалай Статкевіч: «Таму-сяму пара звярнуцца да спецыяліста»

13
Мікалай Статкевіч: «Таму-сяму пара звярнуцца да спецыяліста»
Мікалай Статкевіч

Палітвязень адказаў на абвінавачванні Лукашэнкі.

Словы палітыка з ягонага турэмнага ліста прыводзяцца ў спецыяльна створанай паплечнікамі Статкевіча старонцы ў «Фэйсбуку».

«Адзін дзеяч рэгулярна распаўсюджвае ілжывую інфармацыю аб выказванні мной жадання «стаць героем».

Ніколі такога глупства не казаў, чаму сведкамі дзясяткі даносчыкаў, якія заўсёды побач усе гэтыя гады. Можа, у гэтага дзеяча ўжо «глюкі», як тут кажуць, з'явіліся і ён іх блытае з рэальнасцю? Хай бы схадзіў да спецыяліста», - гаворыцца ў паведамленні.

Нагадаем, у пачатку красавіка адказваючы на пытанне журналіста Bloomberg, ці трэба, каб пяць кандыдатаў у прэзідэнты пасля выбараў 2010 года апынуліся ў турме, а адзін да гэтага часу там сядзеў, Лукашэнка заявіў: «Абсалютна не трэба. Гэта шкодна, перш за ўсё для мяне. Але яны ж пайшлі [у турму] не таму, што яны былі кандыдатамі ў прэзідэнты. Вы ж пагадзіцеся, што яны для мяне ніякімі канкурэнтамі не былі?.. Але яны парушылі закон, груба парушылі закон. Гэта было звязана з дэстабілізацыяй становішча ў краіне».

«Чацвёра не хацелі быць у турме. Яны не ў турме. Адзін, які сёння знаходзіцца там, ён хоча быць вязнем, і ён мяркуе, што «вось я буду вязнем, гэта зробіць мяне героем у Беларусі». Ну, думаць не забаронена, хочаш так - хай будзе так», - дадаў дыктатар.

Напісаць каментар 13

Таксама сачыце за акаўнтамі Charter97.org у сацыяльных сетках