20 лiпеня 2024, Субота, 16:28
Падтрымайце
сайт
Сім сім,
Хартыя 97!
Рубрыкі

Хірург заявіў аб перасячэнні «Начнымі ваўкамі» межаў ЕЗ

40

Праз якую менавіта мяжу байкеры змаглі трапіць на тэрыторыю Еўразвязу не ўдакладняецца.

Чальцы расейскага мотаклуба «Начныя ваўкі» перайшлі мяжу, нягледзячы на перашкоды з боку кіраўніцтва розных краін ЕЗ. Пра гэта заявіў лідар клуба Аляксандр Залдастанаў мянушкаю Хірург, паведамляе ў афіцыйным LiveJournal Начных ваўкоў.

ФОТА: NIGHTWOLVES-RU.LIVEJOURNAL

«Нягледзячы на тое што па ўсіх памежных пастах раздадзеныя ўказанні - «не пускаць НВ», нашы ўсё ж такі перайшлі мяжу», - пра гэта паведаміў Хірург. «Цяпер хлопцы адправіліся запланаваным маршрутам. Мэта - Браціслава. Там яны павінны сустрэцца з байкерамі з Балканскай паўвыспы» , - піша чалец мотазгуртавання.

Пры гэтым не ўдакладняецца, праз якую менавіта мяжу байкеры змаглі трапіць на тэрыторыю Еўразвязу. Таксама невядомая колькасць чалавек, якіх прапусцілі праз памежны пост.

Пазней у эфіры радыёстанцыі «Говорит Москва» адзін з каардынатараў мотапрабег у гонар 70-годдзя Перамогі Андрэй Баброўскі паведаміў, што байкеры заехалі на тэрыторыю Чэхіі.

ФОТА: NIGHTWOLVES-RU.LIVEJOURNAL

«Частка нашых удзельнікаў у Астраве знаходзяцца, так як мы плануем мерапрыемствы з консульствам у гонар 70-годдзя вызвалення Астравы», - заявіў Баброўскі, адзначыўшы, што байкеры рухаюцца па запланаваным маршруце. Сам ён знаходзіцца ў Маскве, бо ягоная віза была ануляваная.

Нагадаем, што незадоўга да гэтага Літва не ўпусціла васьмярых байкераў з расейскага клуба «Начныя ваўкі». Іх развярнулі на мяжы з Беларуссю і Калінінградскай вобласцю. Частка байкераў спрабавала ўехаць у Літву ўжо пасля таго, як іх развярнулі польскія памежнікі.

26 красавіка паведамлялася, што дзве сотні расейскіх байкераў заехалі ў Польшчу, нягледзячы на забарону. Пазней Хірург паведаміў, што гэтыя байкеры не бяруць удзел у мотапрабегу да 70-годдзя Перамогі.

Раней замежнапалітычныя ўстановы Польшчы і Чэхіі забаранілі ўдзельнікам прабегу ўязджаць на тэрыторыю сваіх краін. Акрамя таго, Нямеччына пазбавіла ўязных віз лідараў мотаклуба «Начныя ваўкі».

Фотa: Reuters
Напісаць каментар 40

Таксама сачыце за акаўнтамі Charter97.org у сацыяльных сетках