Аўрал на МАЗе: едзе Лукашэнка
36- 12.05.2015, 10:21
- 29,470
На прадпрыемстве ў спешным парадку рамантуюцца і фарбуюцца цэхі.
Пасля перыядычных прастояў працаўнікі, нарэшце, перайшлі на поўную занятасць.
Аднак звязана гэтая працоўная актыўнасць не з новымі замовамі ў выпуску аўтамабіляў, а з навядзеннем парадку на прадпрыемстве напярэдадні візіту Аляксандра Лукашэнкі.
Як піша чытач UDF.BY, на МАЗе ў спешным парадку рамантуюцца і фарбуюцца цэхі, прыбіраецца тэрыторыя, рабочым выдаюць новую ўніформу. 15 траўня на прадпрыемстве чакаюць з візітам Лукашэнку.
Нагадаем, што сваю паездку на адзін з флагманаў беларускай прамысловасці кіраўнік анансаваў яшчэ 28 красавіка. Акрамя МАЗа Лукашэнка збіраецца ў найбліжэйшыя дні наведаць МТЗ і Менскі маторны завод.