3 сакавiка 2024, Нядзеля, 8:57
Падтрымайце
сайт
Сім сім,
Хартыя 97!
Рубрыкі

Рэжысёрку Вольгу Нікалайчык асудзілі на 13 дзён за касметычку «Начных ваўкоў»

33
Рэжысёрку Вольгу Нікалайчык асудзілі на 13 дзён за касметычку «Начных ваўкоў»
Вольга Нікалайчык
ФОТА: «Радыё Свабода»

Другая ўдзельніца акцыі, Кацярына Сакалоўская, павінна заплаціць штраф сумай 60 базавых адзінак.

Суд над актывісткамі, якія перадалі 29 красавіка каля амбасады РФ у Менску касметычку з памадай для «Начных ваўкоў», адбыўся ў судзе Цэнтральнага раёна горада Менска. Суддзя - сумна вядомы Міхаіл Хома - прысудзіў Вольгу Нікалайчык сумарна на 13 дзён адміністрацыйнага арышту. Іншая ўдзельніца акцыі, Кацярына Садоўская, паколькі з'яўляецца інвалідам III групы, атрымала пакаранне ў выглядзе штрафу сумай 60 базавых адзінак.

Сведчыў супрацоўнік міліцыі Паплаўскі, які выконваў у той дзень функцыі аховы амбасады Расейскай Федэрацыі. У «паказаннях» сведкі змяшчалася шмат супярэчнасцяў, былі складзеныя два рапарты: у першым рапарце паведамлялася толькі аб несанкцыянаванай «акцыі» каля амбасады, у другім, напісаным пазней, была даданая інфармацыя аб нібыта «супраціве» ўдзельніц акцыі пры затрыманні і «лаянцы матам». На судзе «сведка» адмовіўся ад другога пратаколу і не пацвердзіў факты супраціву супрацоўнікам міліцыі. Аднак, суддзя вынес прысуд Вользе Нікалайчык паводле двух артыкулаў КаАП - 17.1 «Дробнае хуліганства» (6 дзён), і 23.4 «Супраціў пры затрыманні» (7 дзён). Таксама было прадстаўлена 5 дзён на працэдуру абскарджання прысуду. У любы час актывістка можа быць узятая пад варту.

Вольга Нікалайчык змагла даць інтэрв'ю charter97.org. «Я абураная тым, наколькі гэта было брутальна, цынічна і незаконна. Уся справа была сфабрыкаваная, нават без клопату пра тое, каб надаць яму выгляд законнасці. Прысуд быў вынесены на падставе ілжэсведчання. Мы хадайнічалі аб дадатку да справы відэазапісу з камер амбасады, на якой было б відаць, што я не лаялася, не супрацівілася і не падала на зямлю, як заявіў «сведка». Але суддзя хадайніцтва адхіліў. Ілжывы сведка - дарэчы, ураджэнец Украіны, Чарнігаўскай вобласці - указаў гэта ў другім рапарце, складзеным пазней, чым першы. На судзе было бачна, што яму сорамна ілжэсведчыць. Ён быў чырвоны, як рак. Аднак, мяне «закрываюць» на 13 дзён. Шкада, але я да гэтага была гатовая - гэта раз. Яны мяне не спыняць - гэта два. І, гэта тры, прыйдзе час - і гэтыя людзі адкажуць за ўсё, што яны цяпер робяць. Яны псуюць будучыню не мне, а сабе», - паведаміла актывістка.

Напісаць каментар 33

Таксама сачыце за акаўнтамі Charter97.org у сацыяльных сетках