У Беларусі ўпершыню высадзяцца Кастрамскія дэсантнікі

Дэсантаванне адбудзецца ў мясцовасці пад кодавай назвай «Сахара».

Вайскоўцы Кастрамскога парашутна-дэсантнага палка ўпершыню будуць дэсантавацца на тэрыторыі Беларусі ў рамках сумесных расейска-беларускіх тактычных вучэнняў, паведамілі «Інтэрфаксу» ў пятніцу ў Дэпартаменце інфармацыі і масавых камунікацый Мінабароны Расеі.

«Дэсантаванне будзе праводзіцца на раней незнаёмую для кастрамскіх дэсантнікаў пляцоўку прызямлення, абмежаваную з усіх бакоў густым лясным масівам», - гаворыцца ў паведамленні.

У вайсковай установе адзначылі, што гэтая пляцоўка атрымала назву «Сахара» за ўнікальны рэльеф мясцовасці, яе глеба складаецца з рыхлага глыбокага пяску і поўнай адсутнасці любой расліннасці.

«Большая частка асабовага складу, задзейнічанага ў міжнародных сумесных вучэннях, мае паспяховы досвед дэсантавання як ва ўмовах анамальна нізкіх тэмператур у раёнах Крайняй Поўначы, так і ў раёнах гарачага клімату, у тым ліку ў Таджыкістане», - прыводзяцца ў паведамленні словы начальніка паветрана-дэсантнай службы парашутна-дэсантнага палка падпалкоўніка Ігара Каваленкі.

Ён удакладніў, што ў рамках сумесных вучэнняў дэсантаванне асабістага складу батальёнаў тактычнай групы будзе праводзіцца двума спосабамі: парашутным і пасадачным з самалётаў і гелікоптэраў ВПС Беларусі на сістэмах расейскай вытворчасці Д-10.

Сумесныя вучэнні праводзяцца ў адпаведнасці з планам міжнароднай дзейнасці Мінабароны РФ на 2016 год.