Форум у Менску сабраў больш за тысячу прадпрымальнікаў

ІП патрабуюць прамых перамоваў з Лукашэнкам, бо дыялог з мясцовымі чыноўнікамі не дае вынікаў.

1 лютага ў менскім гатэлі «Пекін» грамадскае аб'яднанне «Перспектыва» сабрала прадпрымальнікаў і прадстаўнікоў уладаў, каб адшукаць развязанні ў сувязі з крызісам праз указ №222. Пра гэта паведамляе «Радыё Свабода».

На форум былі запрошаны прадстаўнікі міністэрстваў, замежныя паслы і асабіста Аляксандр Лукашэнка.

«Перспектыве» не раз адмаўлялі ў памяшканні для форуму, дату правядзення якога давялося перанесці на тыдзень. Старшыня «Перспектывы» Анатоль Шумчанка казаў, што такім чынам асабіста Лукашэнка выштурхнуў прадпрымальнікаў на Плошчу, пра якую ІП у сваю чаргу кажуць усё часцей.