У Беларусі рыхтуюць «падатак на прыгажосць?»

У Магілёве падатковая інспекцыя ўзяла інфармацыю аб кліентах дарагога спа-салона.

На днях кліентка дарагога спа-салона ў Магілёве атрымала SMS: «Паважаныя кліенты, падатковая інспекцыяй мае канфідэнцыйную інфармацыю...Любім вас, спадзяемся на разуменне», піша Onliner.by.

Чытачка піша: «Пасля гэтага ў мяне склалася адчуванне, што дзяржава прыйшла і спачатку зазірнула да мяне ў лядоўню, а затым на паліцу з касметыкай...»

- Мая 6-гадовая дачка спытала: «Гэта падатак на прыгажосць?» Атрымліваецца, што тым, хто афіцыйна не працуе з цяперашняга часу, лепш наогул не карыстацца ніякімі дысконтнымі картамі, не афармляць пакупкі ды не заказваць паслугі на свой рэальны нумар тэлефона і прозвішча, - разважае кліентка спа-салона.

У салоне адмаўляць інфармацыю не сталі:

- Да нас прыйшла пазапланавая праверка. Яна прайшла добра, але інфармацыя з кампутараў была канфіскаваная не вельмі прыгожа і карэктна. Гаворка пра імёны і тэлефоны нашых кліентаў, якіх мы хацелі б абараніць. Ніякага дачынення да фінансавага боку праверак гэтыя звесткі не мелі. Навошта яны спатрэбіліся падатковай інспекцыі? У нашым салоне абслугоўваюцца ў тым ліку, сур'ёзныя людзі, і, упэўненая, ім было як мінімум непрыемна даведацца аб тым, што звесткі патрапілі ў чыесьці рукі. Мы склалі прэтэнзію з гэтай нагоды - будзем чакаць адказу.

У раённай інспекцыі Магілёва хочуць супакоіць хваляванні.

- Скажу адно - людзям перажываць не трэба, - пракаментаваў адказны супрацоўнік. - Калі нейкія пытанні будуць, то толькі да арганізацыі. Кліенты заплацілі свае грошы, атрымалі паслугу і могуць жыць спакойна.

- Падатковая інспекцыя апошнім часам часта кажа пра жыццё па сродках. Ці не з'яўляецца канфіскацыя звестак з салона прыгажосці часткай гэтай працы?

- Метады раскрываць не буду - мы працуем у розных кірунках, а не толькі буйных пакупак накшталт аўтамабіляў і нерухомасці. Людзі, якія атрымліваюць даходы і не плацяць падаткі, будуць па-ранейшаму выяўляцца. Што тычыцца гэтага салона - не, інфармацыя канфіскоўвалася не з мэтай шукаць багатых неплацельшчыкаў падатку.