Памёр легендарны брамнік брэсцкага «Дынама» Алег Сыраквашка

Футбаліст згуляў за брэсцкі клуб больш за 150 матчаў у перыяд з 1981 да 1989 года.

На 55 годзе жыцця, пасля доўгай хваробы, памёр выдатны брамнік брэсцкага «Дынама» Алег Сыраквашка, паведамляе «Прессбол».

Будучы брамнікам, Алег Сыраквашка згуляў за брэсцкі клуб больш за 150 матчаў у перыяд з 1981 да 1989 года.

Таксама Сыраквашка з'яўляецца ўдзельнікам памятнага матчу супраць зборнай СССР, які адбыўся 7 траўня 1988 года. Тады «Дынама», быўшы камандай другой лігі, мінімальна абыграла галоўную каманду краіны – 1 : 0. Брамы берасцейцаў засталіся ў недатыкальнасці шмат у чым дзякуючы дзеянням Алега Міхайлавіча. Праз некалькі месяцаў пасля гэтай гульні зборная Савецкага Саюза стала ўладальніцай залатых медалёў Алімпіяды ў Сеуле.

У сярэдзіне сезону 2002/03 Алег Міхайлавіч выступіў у якасці антыкрызіснага мэнэджара і прыступіў да выканання абавязкаў галоўнага трэнера «Дынама». Пад ягоным кіраўніцтвам каманда стабілізавалася і цягам пяці тураў не ведала паразаў.

Да апошніх дзён Сыраквашка працаваў трэнерам брамнікаў у родным клубе, дзе пад яго кіраўніцтвам раскрыўся не адзін класны галкіпер.