24 траўня 2019, Пятніца, 17:16
За нашу і вашу свабоду!
Рубрыкі

За год стратных прадпрыемстваў стала на чвэрць больш

4

Чысты прыбытак ўсіх арганізацый у студзені-чэрвені зменшыўся на 20,7%.

Колькасць стратных арганізацый у студзені-чэрвені 2016 года ў параўнанні з такім жа леташнім перыядам вырас з 1.393 да 1.738, або на 24,8%, а ўдзельная вага - з 18,3% да 22,8%, паведамляе БелаПАН са спасылкай на Нацыянальны статыстычны камітэт.

Чысты прыбытак ўсіх арганізацый склаў 19 трлн. рублёў, што на 20,7% менш, чым у студзені-чэрвені 2015 года. Прыбытак да падаткаабкладання склаў 27 трлн. (на 17,3% менш).

Прыбытак ад рэалізацыі знізіўся на 4,4% да 59,9 трлн. рублёў.

Рэнтабельнасць продажу за студзень-чэрвень склала 7,1% супраць 8,3% за такі ж перыяд 2015 года, рэнтабельнасць рэалізаванай прадукцыі - 8,8% супраць 10,5%.

Даход ад рэалізацыі прадукцыі, тавараў, работ, паслуг арганізацый краіны ў цяперашніх цэнах склаў 841,1 трлн. рублёў, або на 12,3% больш, чым за студзень-чэрвень 2015 года.

Сабекошт рэалізаванай прадукцыі, тавараў, работ, паслуг за студзень-чэрвень 2016 года павялічыўся на 13,8% да 675,3 трлн. рублёў.