Беларускамоўная гімназія набрала рэкордную колькасць першакласнікаў
5- 30.08.2016, 16:54
- 10,289
Сталічная гімназія №23 набрала рэкордную колькасць вучняў у першыя класы.
«Па 27 чалавек - цяпер думаем, як пасадзіць, дзе ўзяць сталы», - пахваліліся nn.by педагогі гімназіі.
У папярэднія гады звычайны набор складаў 18-25 чалавек у класе.
Дарэчы, у гімназію прыйшлі і некалькі новых педагогаў-мужчын. З першага класа вучні гімназіі вывучаюць ангельскую і кітайскую мовы.
Як раней паведамляў сайт charter97.org, у чэрвені, каб аддаць дзяцей у першы клас менавіта гімназіі №23 у Менску, бацькі займалі чаргу з дзевяці вечара.