Анатоль Купрыянаў пакінуў пасаду гендырэктара Мазырскага НПЗ
10- 26.09.2016, 16:11
- 15,209
У разгар нафтавага крызісу Купрыянаў прыняў пастанову сысці на пенсію.
Анатоль Купрыянаў пакінуў пасаду генеральнага дырэктара ААТ «Мазырскі нафтаперапрацоўчы завод».
Пра гэта гаворыцца ў паведамленні прэс-службы прадпрыемства.
Часова выконваючым абавязкі генеральнага дырэктара «Мазырскага НПЗ» прызначаны ягоны намеснік у эканоміцы Сяргей Крот.
Працоўны кантракт з Купрыянавым скончыўся 19 жніўня.
Адзначаецца, што кіраўнік прыняў пастанову сысці на пенсію. Купрыянаў мае больш чым 40-гадовы стаж працы ў нафтаперапрацоўцы, з іх 39 гадоў - на Мазырскім НПЗ. Пасаду гендырэктара НПЗ ён заняў у 1996 г. Такім чынам Купрыянаў кіраваў прадпрыемствам больш чым 20 гадоў.
ААТ «Мазырскі НПЗ» уваходзіць у склад дзяржканцэрна «Белнафтахім». Завод пачаў працу ў 1975 г і быў акцыянаваны ў 1994 г. Ураду Беларусі належаць 42,757% акцый завода, кампаніі «Слаўнафта» - 42,581%, ТАА «МНПЗ плюс», якое прадстаўляе інтарэсы работнікаў прадпрыемства, - 12,252%, у іншых акцыянераў - 2,41%. Магутнасці завода ў перапрацоўцы нафты з улікам працы другасных працэсаў складаюць блізу 11 млн т на год, глыбіня перапрацоўкі - больш за 70%.