Падгол і Таўстыка зняліся з «выбараў»

Перад гэтым актывісты правялі фотасесію на конях і заявілі аб масавых фальсіфікацыях.

Кандыдаты ў дэпутаты «палаты прадстаўнікоў» нацыянальнага сходу Уладзімір Падгол і Аляксандр Таўстыка абвясцілі аб зняцці з выбараў.

Гэтай заяве папярэднічала фотасесія Падгола і Таўстыкі. Раніцай 9 верасня экс-кандыдаты сфатаграфаваліся верхам на конях, трымаючы ў руках бел-чырвона-белы сцяг, а таксама сцягі Еўразвязу, ЗША і Вялікабрытаніі, паведамляе БелаПАН.

Уладзімір Падгол заявіў журналістам: "Мы паказалі беларусам, што, нават калі не няма сіл перамагчы, усё адно трэба быць на конях і з "Пагоняй". На маім участку галасуе Лукашэнка з сынам Колем і Ярмошынай. І я не хачу, каб у іх рукі трапіў бюлетэнь з маім прозвішчам. Гэта вось яшчэ мой асабісты матыў, і таму я выходжу на знак пратэсту супраць фальсіфікацый і супраць таго, каб маё прозвішча трапіла ім у рук ".