The Wall Street Journal: Новыя санкцыі ЗША супраць РФ закрануць расейскую дзяржаўную запазычанасць і здабычу нафты і газу

Санкцыі тычацца юрыдычных і фізічных асоб, якія інвестуюць у здабычу нафты і газу ў Расеі больш за $20 мільёнаў.

Законапраект аб новых санкцыях ЗША супраць Расеі, падрыхтаваны групай амерыканскіх сэнатараў, тычыцца фінансавага і энэргетычнага сэктараў расейскай эканомікі, паведамляе The Wall Street Journal (пераклад – gordonua.com).

Санкцыі тычацца юрыдычных і фізічных асоб, якія інвестуюць у здабычу нафты і газу ў Расеі больш за $20 млн. Гэта тычыцца як пастаўкі тавараў і паслуг, так тэхналогій.

Пад санкцыі трапяць інвестары, якія цягам года ўкладуць у будаўніцтва Расеяй трубаправодаў больш за $5 млн, а таксама інвестары, якія ўклалі больш за $1 млн у цывільныя ядзерныя аб'екты.

Акрамя гэтага, пад санкцыі павінны патрапіць кампаніі, якія займаюцца аперацыямі з купляй-продажам расейскай запазычанасці, а таксама тыя, хто скупляе актывы расейскіх прадпрыемстваў і кампаній.

Праект павінен быць ухвалены абедзвюма палатамі Кангрэса і падпісаны прэзідэнтам.

Учора ў Сэнат ЗША афіцыйна быў пададзены законапраект "Аб супрацьдзеянні варожым дзеянням Расеі", які ўводзіць дадатковыя санкцыі супраць РФ за дзейнасць супраць амерыканскіх інтарэсаў.

У дачыненні да Расеі былі ўведзеныя эканамічныя санкцыі Злучанымі Штатамі, Еўразвязам і некаторымі іншымі краінамі ўвесну 2014 года пасля таго, як Расея анэксавала ўкраінскую паўвыспу Крым і пачала вайсковую агрэсію на ўсходзе Украіны. Санкцыйныя пакеты некалькі разоў пашыраліся і станавіліся больш жорсткімі.

10 снежня Цэнтральнае выведвальная ўправа ЗША прыйшла да высновы, што Расея ўмешвалася ў прэзідэнцкія выбары ў ЗША.