У Расею не пусцілі сухое малако з Беларусі

Калінкавіцкі малочны камбінат пазбаўлены права пастаўляць прадукцыю ў РФ.

Супрацоўнікі ўпраўлення Рассельгаснагляду Бранскай і Смаленскай абласцей у аўторак не пусцілі ў Расею 20 тон сухога абястлушчанага малака вытворчасці Калінкавіцкага малочнага камбіната (Беларусь), паведамляе interfax.by.

Прадукцыя была затрыманая ў бранскім пункце прыняцця паведамленняў «Чырвоны камень». Груз суправаджаўся сертыфікатам дзяржаўнай ветэрынарнай службы Беларусі ад 14 студзеня 2017 года для пастаўкі сухога малака ў адрас ТАА «Модекс» (Варонеж).

Аднак, пастаўкі прадукцыі Калінкавіцкага малочнага камбіната ў Расею абмежаваныя з жніўня 2016 года. Акрамя таго, на пасведчанні якасці і бяспекі было паказана, што прадукцыя адпраўлялася для рэалізацыі ў гомельскае ТАА «Благадаць», якое не атэставанае для паставак у краіны Мытнага саюза.

У жніўні 2016 года Калінкавіцкі малочны камбінат быў пазбаўлены права пастаўляць прадукцыю ў Расею праз спробу правезці ў Варонеж таксама 20 тон сухога малака паводле падробленых дакументаў. Тады ў ППП «Чырвоны камень» быў прад'яўлены сертыфікат дзяржаўнай ветэрынарнай службы Беларусі, выдадзены не Калінкавіцкаму камбінату, а прадпрыемству «Белсыр» (г. Калінкавічы)