Рост эканомікі Кітая ўпаў да самага нізкага ўзроўню з 1990 года

Летась эканоміка Кітая паказала самы нізкі рост за апошнія 26 гадоў.

Рост эканомікі Кітая ў чацвёртым квартале 2016 года склаў 6,8 працэнта, а ў цэлым за год - 6,7 працэнта. Пра гэта паведаміла ў пятніцу, 20 студзеня, статыстычнае ведамства ў Пекіне, паведамляе «Немецкая волна». .

Гэта - самы нізкі паказчык эканамічнага росту КНР з 1990 года. Хоць эксперты бачаць у гэтых звестках прыкметы стабілізацыі другой па велічыні эканомікі свету, яны папярэджваюць, што цяперашняя мадэль росту ненадзейная. Рост кітайскага ВУП занадта моцна залежыць ад урадавых мер па стымуляцыі эканомікі адзначаецца ў дакладзе Міжнароднага валютнага фонду (МВФ).

Калі ж у Кітаі будзе працягвацца імклівы рост крэдытавання і ўлады не стануць больш рашуча змагацца з высокімі абавязкамі прадпрыемстваў, эканоміцы пагражае «моцнае паслабленне», папярэджвае МВФ.