На Цэрэры знайшлі іншапланетныя элементы

Навукоўцы зрабілі важнае адкрыццё аб паверхні планеты, якая знаходзіцца паміж Марсам і Юпітэрам.

Французскія і амерыканскія планетолагі вызначылі паходжанне паверхні найбуйнейшага нябеснага цела ў поясе астэроідаў, размешчанага паміж арбітамі Марса і Юпітэра, - карлікавай планеты Цэрэры. Адпаведнае даследаванне апублікаванае ў The Astronomical Journal, коратка пра яго паведамляе НАСА (пераклад - lenta.ru).

Навукоўцы прыйшлі да высновы, што паверхня Цэрэры бедная вугляродам, а з другога боку, прыкладна пятая яе частка складаецца з сілікатаў. Апошнія трапілі на малыя планеты, як мяркуюць спецыялісты, у выніку падзення на нябеснае цела астэроідаў, што належаць да сямейства Эас.

Што даведалася станцыя New Horizons аб ускрайках Сонечнай сістэмы

Да сваіх высноў навукоўцы прыйшлі, правёўшы з дапамогай абсерваторыі SOFIA (Stratospheric Observatory for Infrared Astronomy) даследаванне карлікавай планеты. Цэрэра стала трэцім нябесным целам, пасля Япета (спадарожніка Сатурна) і Харона (месяца Плутона), значная частка паверхні якога сфармаваная вонкавай матэрыяй.

Цэрэра адкрытая ў 1801 годзе італійцам Джузэпэ Піяці і названая ў гонар старажытнарымскай багіні ўрадлівасці. Дыяметр касмічнага аб'екта складае прыкладна 940 кіламетраў, што робіць яго самым буйным нябесным целам у поясе астэроідаў паміж арбітамі Марса і Юпітэра.