Захад узяў Пуціна на кручок

Спецпрадстаўнік ЗША ва Украіне Курт Волкер складае тыя пазлы, якія ранейшыя палітыкі не маглі скласці.

Цяпер ідзе фармаванне рэальнага развязання сітуацыі на Данбасе. І спецпрадстаўнік ЗША Курт Волкер выбудоўвае яго архітэктуру, праводзячы сустрэчы з прадстаўнікамі Украіны і Расеі.

Пра гэта сайту "24" паведаміў дырэктар аналітычнага цэнтра "Палітыка" Мікалай Давідзюк.

На думку палітолага, Волкер складае тыя пазлы, якія вялікія палітыкі не могуць скласці. Да прыкладу, кажа Давідзюк, сустрэліся ў нармандскай фармаце лідары краін: сфатаграфаваліся, пагаварылі пра ўсё добрае і супраць усяго дрэннага і раз'ехаліся. А тэхнічныя рэчы застаюцца няўзгодненымі.

Волкер рухаецца на вельмі вялікай палітычнай і дыпламатычнай хуткасці. Калі ён развяжа пытанне ўвядзення міратворцаў на Данбас да канца года - то яго кандыдатуру можна падаваць на Нобэлеўскую прэмію, - адзначае Мікалай Давідзюк.

Але, паводле ягоных слоў, у Расеі сёння шмат брудных дэталяў. Масква не хоча выводзіць свае войскі, вяртаць Украіне кантроль над мяжой, плаціць рэпарацыю за знішчаную інфраструктуру Данбаса, адказваць за забітае мірнае насельніцтва. Расея хоча закончыць канфлікт у абмен на легалізацыю Крыма. Таму задача Волкера - усё гэта звесці да адзінага назоўніка і развязаць.

Палітолаг мяркуе, што падчас наступнай сустрэчы Парашэнка і Волкера ўкраінскі прэзідэнт будзе намагаць на двух прынцыповых рэчах. Першая - адсутнасць змяненняў у Канстытуцыю аб асаблівым статусе Данбаса, бо парламент іх не прыме. Другое - увядзенне місіі ААН, якая дасць магчымасць мірнага ўрэгулявання канфлікту на Данбасе.

Украіна атрымала падтрымку ідэі міратворцаў ад усяго цывілізаванага свету. Трамп, Мэркель, Макрон і Трудо падтрымліваюць такі сцэнар. Нават Пуцін яго падтрымаў, хоць у дэфармаваным выглядзе. Але менавіта гэтым Захад яго і ўзяў на кручок. Калі Расея "за" - то будзем разглядаць, тым больш, што Крэмль намагае, што "іхтамнет", - кажа Давідзюк.

Экспэрт перакананы, што заявы Пуціна пра тое, што на Данбасе пачнецца генацыд, калі міратворцы атрымаюць доступ да украінска-расейскай мяжы - пустыя. Таму што прэзідэнт РФ у рэжыме выбарчай кампаніі і страчвае свой твар перад расейцамі.

"Пазіцыя Пуціна слабая. Ён сам заклікаў да міратворцаў, а цяпер не ведае, як аргументаваць, чаму ён адмаўляецца ад місіі. Міратворцы будуць, хоць ён будзе спрабаваць кінуць туды максімум войскаў з краін-сатэлітаў РФ. Але фільтраванне, прысутнасць вялікага збройнага кантынгенту дазваляе Украіне выпхнуць за лінію мяжы крамлёўскія войскі, каўказскіх наймітаў, буратаў, прыватныя войскі і пачаць дэакупацыю і аднаўленне жыцця на Данбасе", - падкрэсліў Мікалай Давідзюк.