Расея паставіць у Беларусь зенітны ракетны комплекс «Тор-М2»

ЗРК «Тор-М2» - эфектыўны сродкам паразы самалётаў, гелікаптэраў, кіраваных ракет і іншых элементаў высокадакладнай зброі.

Міністэрства абароны Беларусі ўклала з расейскім канцэрнам «Алмаз-Антэй» кантракт на пастаўку чарговай батарэі зенітнага ракетнага комплексу «Тор-М2», «у рамках рэалізацыі Пагаднення паміж Расейскай Федэрацыяй і Рэспублікай Беларусь аб развіцці вайскова-тэхнічнага супрацоўніцтва ад 10 снежня 2009 года», паведамляе «Радыё Свабода».

Паводле інфармацыі міністэрства, першыя батарэі зенітнага ракетнага комплексу «Тор-М2» паступілі на ўзбраенне 120-й зенітнай ракетнай брыгады ВПС і войскаў СПА ў 2011 і 2012 гадах. У пачатку 2014 года быў сфармаваны зенітны ракетны дывізіён «Тор-М2» у складзе трох батарэй. У канцы мінулага года гэты зенітны ракетны комплекс паступіў на ўзбраенне 740-й зенітнай ракетнай брыгады.

Зенітны ракетны комплекс «Тор-М2» з'яўляецца эфектыўным сродкам паразы самалётаў, гелікаптэраў, аэрадынамічных беспілотных лятальных апаратаў, кіраваных ракет і іншых элементаў высокадакладнай зброі, якія лятаюць на сярэдніх, малых і гранічна малых вышынях, у складаным паветранай сітуацыі. Адметныя асаблівасці «Тор-М2» - высокая манеўранасць, мабільнасць, малы час рэакцыі, аўтаматызацыя баявой працы, эфектыўнасць стральбы па шырокаму класу цэляў.