Google і NASA запусцілі віртуальны тур на Марс
- 26.10.2017, 19:23
- 12,675
У туры можна прайсціся тым жа шляхам, якім праходзіў знакаміты марсаход Curiosity.
Google і NASA запусцілі ўнікальны праект: кожны ахвочы цяпер можа адправіцца на Марс. Праўда, віртуальны, піша tehnot.com.
Праект называецца «Access Mars» (прыбыць на Марс). У туры можна прайсціся тым жа шляхам, якім праходзіў знакаміты марсаход Curiosity.
Супрацоўнікі NASA выкарысталі звесткі Curiosity для стварэння візуальных эфектаў - рэльефу Чырвонай планеты. У агульнай складанасці навукоўцы апрацавалі прыкладна 20000 малюнкаў, зробленых Curiosity з 2012 г.
Фотаздымкі былі зробленыя з дапамогай 6 камер Curiosity, дзве з якіх - каляровыя, чатыры - чорна-белыя. Часцей Curiosity выкарыстоўваў менавіта чорна-белыя камеры.
Каб наведаць Марс, цісніце на спасылку. А каб адчуць сапраўдны эфект прысутнасці на Марсе, неабходна выкарыстоўваць VR-гарнітуру для прагляду роліка.