У Печах пачалі распускаць сяржантаў
23- 13.11.2017, 12:35
- 42,299
Новых сяржантаў у вучэбную частку набіраюць з іншых частак.
Крыніцы «Нашай Нівы» паведамілі, што ў трэцяй школе, дзе служыў Аляксандр Коржыч, цалкам замяняюць сяржанцкі склад: тых, хто не ўзяты пад варту ў якасці падазраваных, адправяць служыць у іншыя часткі, на іх месца перавядуць сяржантаў з «баявых» частак.
Магчыма, будзе створаная сістэма рэгулярнай ратацыі сяржантаў.
Нагадаем, там жа, у Печах, жаўнерам дазволілі мець пры сабе мабільныя тэлефоны, хай і прымітыўныя.
Крыніцы з розных частак беларускага войска сігналізуюць пра ўзмацненне кантролю за выкананнем афіцэрамі службовых абавязкаў. Сілы спецаперацый, сувязь, спецназ - паўсюль афіцэры цяпер рэгулярна праводзяць начныя праверкі, павялічаны час знаходжання афіцэраў з асабістым складам, у некаторых частках прынятая пастанова ўсталяваць камеры.
Жаўнерам загадана паведамляць аб найменшых парушэннях статутных дачыненняў.
Міністэрства абароны пакуль не можа пацвердзіць роспуск сяржантаў у трэцяй школе.