Аляксандр Глеб: Калі я сыходзіў з «Арсенала», Венгер на мяне пакрыўдзіўся

Беларускі футбаліст распавёў пра падрабязнасці свайго сыходу з лонданскага клуба.

Паўабаронца Аляксандр Глеб распавёў пра ангельскі футбол, а таксама пра тое, што Арсен Венгер пакрыўдзіўся на яго, калі футбаліст пакінуў «Арсенал», піша «Трыбуна».

- З пункту гледжання фізікі, АПЛ лічыцца самай складанай. Проста табун коней. Калі Гішпанія ці Нямеччына - гэта разумны футбол, то ў Англіі цябе проста знясуць. Вам фізічна не было гэта страшна?

- Мне не было страшна. Гэта, сапраўды, быў іншы футбол. Ён вельмі хуткі, дынамічны і сілавы. Цяпер, вядома, ён змяніўся. А тады, калі я прыйшоў, сярэднія каманды гулялі ў чыста сілавы футбол. Бі-бяжы, барацьба. Вядома, гэта было цяжка, трэба было хутка адаптавацца. Венгер, вядома, падтрымаў. Мне спатрэбілася месяцы 4-5, каб звыкнуць.

- Як пачаткоўцаў прымаюць, не было дзедаўшчыны?

- У «Арсенале» тады быў адзін ангелец.

- Ці склаліся ў вас прыяцельскія стасункі з футбалістамі з іншых клубаў? Да гэтага часу вы з кімсьці падтрымліваеце стасункі?

- Я цяпер падтрымліваю стасункі толькі з Фабрэгасам. Віншуем адзін аднаго з Днём нараджэння, пытаем, як справы. У яго сям'я, дзяцей плойма. З Венгер добрыя. Калі я сыходзіў з «Арсенала», ён на мяне, вядома, пакрыўдзіўся - не хацеў, каб я сыходзіў.

- Але ён складаны чалавек. Мне здаецца, гэта адзіны трэнер, у каго ў такой колькасці столькі ворагаў. Гэтыя банеры «Ідзі ў адстаўку».

- Гэта Англія. У прынцыпе, яна заўсёды такая. Проста фанаты «Арсенала» хочуць тытулаў. У «Арсенала» ўвесь час блізка, але не даходзіць. Я думаю, што Венгер - гэта топ-трэнер. Проста такая сітуацыя: найлепшыя кожны год сыходзяць, яму трэба ізноў ствараць каманду - вось праблема ўся, - сказаў Глеб.